Lafaek News—Komandante Polísia Nasionál Timor-Leste (PNTL) Munisípiu Dili, Superintendente Xefe Henrique da Costa, afirma nia parte hato’o apresiasaun ba Komandu munisípiu Baukau, tanba rekolla ona motorizada 14 husi grupu Nakroma alias Na’ok-ten Rona Malu.
“Ita apresia ba Komandu munisípiu Baukau, tanba apoiu tebes ita nia Polísia Siéntifiku investigasaun Kriminál (PSIK), munisípiu Dili hodi rekolla evidénsia husi munisípiu Baukau,” dehan Komandante Munisípiu Dili Henrique ba jornaliata iha KMD, Kaikoli Dili, tersa 02/03/2021.
Superintendente Xefe Henrique esplika, PNTL munisípiu Baukau rekolla evidénsia motor hamutuk 14 ne’ebé ligadu ho númeru kazu nuk 0642/20.
“Ita sei buka tuir grupu NAKROMA nia paradeiru tanba iha balu mak ita sei prosesu hela núne’e sira bele hetan tan mandadu detensaun,” Nia promesa.
Nia relata, tuir informasaun evidénsia sei barak la’os husi munisípiu Baukau de’it maibé iha munisípiu seluk mós iha.
“Na’ok ten sira foti tiha motorizada ne’e fan fali iha munisípiu tanba ne’e husu ba komunidade sira bainhira ema ruma faan motorizada mak la iha dokumentu bele aprezenta iha imi nia komandu munisípiu nunee ita bele hatene,” Komandante Henrique Afirma.
Nia esplika, motorizada ne’ebé PNTL Baukau rekolla maioria motor meo tanba ninia save Bolante ne’e la seguru entaun fasil ba na’ok ten sira atu foti motor núne’e mós motor sira ne’e PNTL rekolla husi munisípiu lubuk ida maibé rekolla evidénsia barak liu iha munisípiu Baukau ho Dili.
“Suspeitu sira ne’e balu prosesu hotu ona, balu iha ona prizaun Bekora, balu halo aprezentasaun preodika no balun mos ita sei liberta no halo prosesu kontinuasaun maibé ita nafatin kontinua buka sira ne’ebé ita seidauk kaptura,” Nia afirma.
entretantu tuir dados Komandu munisípiu Dili nia ne’ebé Lafaek News asesu, total evidénsia motorizada ne’ebé PNTL rekolla ona hamutuk 42, kareta ida no mos PNTL kaptura suspeitu na’ok motor husi grupu Naok-ten Rona Malu (NAKROMA) hamutuk ema na’in 15 maibé nain 3 mak sei iha sala detensaun.
Jornalista : Orlando Magno
Editora : Nelya Barros
