Ainaru-(Lafaek News)— Estudante Eskola Tékniku Vokasionál (ETV), Munisípiu Ainaru Gil da Costa Montero Ainaro husu Ministériu Edukasun Juventude Desportu (MEJD) no Ministériu Saúde (MS) atu apoiu material kombate propagasaun covid-19.
Estudante Eskola Tékniku Vokasionál (ETV) Gil da Costa Monteiro Ainaru Villa, Alberto da Costa Tilman, hatete, governu autoriza hotu-hotu kumpri estadu emerjensia maibé fasilidade laiha atu uza hodi prevene pandemia Covid-19 laiha.
“Ha’u hanesan estudante sente triste tanba governu hatun avisu katak ema hotu hotu tenki tuir regras estadu emerjénsia nian, maibé laiha apoiu ruma ba ami Eskola Tekniku Vokasionál Gil Da Costa Monteiro Ainaro Villa,” dehan Estudante Eskola Tékniku Vokasionál (ETV) Gil da Costa Montero Ainaru Villa, Alberto da Costa Tilman ba lafaek news iha Ainaro Villa, kuarta (03/03/21).
Nia hatutan, maskra ne’ebé dadaun uza inan-aman maka sosa maibé la’os apoiu husi governu, governu so promete de’it, maibé to’o agora eskola ne’e sedauk hetan fasilidade prevensaun.
“Ami nia inan-aman máka sosa maskra fó mai ami, maibé semana semana ami nia inan aman sosa hela de’it ba ami oan sira ne’e sira osan laiha tanba maskra ida folin $0.50, entaun ha’u hanesan estudante husu ba Ministériu Edukasaun Juventude Desportu ho Ministéiru Saúde atu bele fó apoiu, tanba moras ne’e aumenta bei-beik, durante EE NGO plan internasional máka fó apoiu iha 2020 nian ba ami hanesan balde 4, to’o agora laiha ema ida mak fó tan apoiu,” nia informa.
Diretora ETV Gil Monteiro Ainaru, Rosina Varcolão.
Iha fatin hanesan Diretora ETV Ainaru, Rosina Varcolão, rekoñese durante ne’e Ministeriu Edukasaun ho Ministériu Saúde, seidauk fornese apoiu intermus material kontra covid-19 hanesan maskara no hand sanitizer, tanba regra iha eskola refere bainhira estudante sira uza maskara professor sira haruka fila ba uma.
“Estudante la kumpri regra ami duni fila ba uma no falta eskola dala tolu bolu inan ou aman mai eskola entaun ami ejiji ba sira tenke sosa maskra no kumpri regra estadu emerjensia ida ne’e tanba nee fo amiasa boot ba ita nia vida, loos duni ha’u rekoinese katak iha eskola nee governu seidauk fó apoiu fasilidade prevensaun Covid-19 nian, iha tinan kotuk máka plan internasional mai fó apoiu balde haat to’o agora laiha ema ida mak fó apoiu ba eskola ne’e ,husu ba ministériu saúde atu bele fó apoiu ba ami nia eskola ne’e,” nia rekomenda.
Entretantu, total estudante ativu iha Eskola Tékniku Vokasionál (ETV) Gil da Costa Monteiro Ainaro Villa, kompostu husi feto no mane hamutuk 78.
Jornalista : Sabina Sancha
Asiste Editór : Pedro de Almeida
