Lafaek News—Kooperativa multi-Setoral Nurak Sulin Hamutuk (KM-NSH) sujere ba parte governu no setór privadu sira atu uza produsaun bee galon ne’ebe Timor-oan rasik produz.
“Ha’u husu ba instituisaun governu no setór privadu sira atu konsumu bee galon ne’ebe ita nia ema rasik produz tamba parte ida ita bele kontribui ba malu liu husi ami nia produsaun bee no ami prontu atu distribui ba ema hirak ne’ebe presija bee” dehan prezidente, Oliviu da Cruz Pinto, (CM-NSH) ba Lafaek News, iha Munisipiu Liquiça, Postu Administrativu Maubara, Suku Raeme (12/02/2021)
Nia haktuir, produsaun bee iha rai laran bele ona atu sustenta nesesidade komunidade nian no governu rasik bele hapara ona distribuisaun bee mai husi rai liur.
“Ami prontu atu fasilita no distribui be’e konsumu nian ba ita nia komunidade sira mais governu tenke hanoin ona atu redus importasaun bee husi rai liur mai,” tenik, Olivio.
Jornalista : Anselmo Monteiro
Editora : Nelya Barros
