Lafaek News—Komisaun Funsaun Publika, segunda (06/10/2025), hala’o formasaun kona-ba lejislasaun funsaun publika nian ba kargu Xefie no ajente administrasaun publika INCSIDA hamutuk na’in 77.
Iha serimonia abertura ba formasaun ne’e KFP Asuntu Planeamentu Estratéjiku, José Telo Cristovão hatete objetivu husi formasaun ne’e atu sensibiliza kona-ba lei funsaun publika nian ba ajente administrasaun INCSIDA nian atu hatene sira nia kna’ar no sira nia direitu.
“Iha lei funsaun publiku iha rua mak presiza atu hatene mak, inkonsiderasaun no ajente administrasaun públiku mak agora ita boot sira nee altera lei ita-boot sira nia kargu nee ajusta ona ba iha eletronik rejimi administrasaun publiku nian, Segundu mak funsionariu permanete, lei rua ne’e mak funsaun publiku nian estatutu no funsaun publiku rekoñese,” Komisáriu José Cristovão iha edifísiu INCSIDA Pantai Kelapa Dili (06/10/2025)
Komisáriu ne’e salient, funsionárius INCSIDA sira tama ona etapa rua ne’ebé bele ona tuir formasaun husi funsaun publika nian bazeia ba lei ne’ebé vigora ona iha lei.
“Entaun ita-boot sira tamana ona pontu rua nee signifika ita-boot sira mos iha direitu atu tuir formasões, ida nee lei 38/2012 ko’alia ona kada pesoa ida tinan ida iha diretu 40 oras ba formasões, Tanba formasões iha funsaun publiku ne’e para loke ita-boot sira nia hanoin.” Nia dehan
Rejimentu kargu xefia sira ne’e sei halo avaliasaun dezempeñu, oinsá halo avaliasaun ba ajente administrasaun sira bainhira foti prosesu disiplinar no adisionál la loos nune’e bainhira atu hapara ajente ida nomós ba rejime kargu xefia iha Funsaun publiku, no iha mós kuadru pesoal, nune’e diretór sira tenke hatene oinsá halo kuadru pesoál.
“Oinsa prepara ita boot sira nia ema iha tinan ida nee no ba oin rekruta hira no hasai hira no nain hira ba reforma nee diretor sira tenke hatene hanesan Papel iha INSIDA kona-ba HIV-SIDA ida nee servisu funsional maibé kargu xefia hanesan kargu funsionariu tenke hatane avalia hau’u bazeia ba saida, aleinde ne’e, sei iha mos rejime formasões 40 oras nee funsionariu publiku ne’e iha diretu multa, se ita-boot sira la hetan formasões tenke ejiji ita-boot sira nia direitu no ejiji iha funasaun publiku tanba lei mak hakerek ona, depois oinsa ita-boot sira ba reforma tanba lei nee koalia klaru ema ida ho ideia sekian nian atu ba reforma entaun ita-boot sira tenke hatene, prinsipalmente ita-boot sira tenke hatene aban bairu imi ba reforma karik kalkulasaun osan hira no imi atu sai hira, sistema dijitalizasaun tanba hau fiar katak ita-boot sira loke ita-boot sira nia ajente funsaun publiku ita-boot deside atu hili saida Mak nee, sidakmek nee koalia ita-boot sira nia devaid ita-boot sira nia istori ita-boot Sira Nia salariu,” Komisáriu KFP ne’e sublina.
Iha biban ne’e, Prezidente Institutu nasionál HIV-SIDA, Daniel Marçal haktuir, formasaun refere foin ba dahuluk no nesesáriu tebes tanba INCSIDA tama ona iha ajenta funsaun publiku nian, nune’e iha direitu no dever atu konñese didiak sira nia servisu no kargu ne’ebé sira iha.
“Servisu neebe mak sira halo la loos ne’e tenke iha duni deziminasaun edukasaun funsaun publiku ba ajente sira hotu.” Dehan Prezidente INCSIDA ba jornalista sira iha Edifísiu INCSIDA Pantai Kelapa Dili, nune’e nia konfirma formasaun ne’e sei hala’o durante loron 5 ba ajente administrasaun no kargu xefia ne’ebé tuir formasaun refere hamutuk na’in 77, maibé ajente funsaun publiku hamutuk 63, no haree ba ejensia servisu iha Tibar ne’ebé servisu haree ba ema moras HIV-SIDA barak, nune’é INCSIDA presiza tan kazuais 14 pesoas hodi ajuda servisu iha edifísiu sentral INCSIDA nomós iha Tibar.
Jornalista : Moises Guterres
