Lafaek News—Ministériu Comérsiu Indústria, sesta (03/10/2025), ofisialmente selebra akordu kooperasaun ho Micro Pequenas no Médiu Emprezas hamutuk ho operador Telkomcel hodi apoiu negosiu dijital ba emprezarius rai-laran atu hamoris ekonomia.
Ministro Comérsiu Indústria, Nino Pereira hateten ho prosesu dijitalizasaun ne’e bele transforma ekonomia inklui parseria sira ne’e bele tulun liután iha kreximentu ekonomia rai-laran.
“Mundu tomak ohin loron Ita hatene hatak Ko’alia kona-ba ba mundu dijitál mudansa ne’ebe lalais tebes, prosesu dijitalizasaun ne’e lalais tebes transfomasaun ne’e radikal, Imajen mundu mos mudansa tebes, Timor-Leste nasaun ida ne’ebe hamriik iha era millennium nian tama mos iha prosesu transformasaun dijital, Ita fo Importánsia modernizasaun ne’ebe iha atu transforma ninia ekonomia, Ita aproveita ho Parseria ne’ebe barak tebes ho apoiu no suporta ne’ebe barak liu ne’e mak ita hakarak aproveita ho oportunidade diak teb-tebes atu Ita dezenvolve Ita nia ekonomia,” Nino Pereira hatoo hosi diskursu iha salaun Suai Room Timor plaza Dili, sesta (03/10/25).
Governante argumenta ba dadaun ne’e mundu hahu nakloke ba Timor, tan ne’e presija mos benifisiu ne’ebe pozitivu iha dezenvolvimentu ekonomia atu ema hotu moris iha rendimentu ekonomia ne’ebe sustentavel.
“Ohin loron mundu dijital, mundu nakloke ita presija halo adaptasaun hodi bele hetan benefísiu ne’ebe pozetivu, iha Ita nia dezenvolvimentu ekonomia, mundu nakloke laiha nia fronteiras ita konekta ona ita nia an ba iha organizasaun Komérsiu nian, ita mos sei integra ita nia ekonomia iha familia bo’ot ASEAN, tan ne’e atu dehan de’it ASEAN konsistensia sira sei iha mos akordu ida kona-ba transformasaun dijital, oinsá dijitaliza ne’ebe Justu ba progresu dezenvolvimentu ekonomia, ita labele hases-an husi ne’e, ita presija atu ajusta adapta-an iha mudansa teknolojia ohin loron,” Nino afirma
Benedictus Ardianto Prio, CEO telkomcel hatutan, dijitalizasaun hanesan influensa primeiru iha nasional hodi reforsa ekonomia emprezariu rai-laran, tan ne’e ho konfiansa ho invoasan dijital ohin loron bele halo mudansa radikal ba kreximentu ekonomia rai-laran.
“Ita hotu fiar katak inovasaun dijital hanesan influensa primeiro iha nasional hodi reforca ekonomia, liu hosi dijital tan ne’e ekonomia ne’e rasik sai hanesan inspirasaun ne’ebe seguru no bo’ot liu mak telkomcel hola parte hanesan partner ne’ebe ho ninia atendimentu koletivu hodi apoiu vontade komunidade no fo hanoin ba komunidade kona-ba servisu atendimentu ne’ebe sira halo, hanesan diskusaun MCI nian ne’ebe fo inspirasaun no previléjiu ba Timor Leste, hodi bolu atensaun mundu internasional, tan ne’e husu atu nafatin ense telkomcel hodi halo atendimentu ne’ebe seguru ba komunidade hotu.” Nia afirma
Kobertura : Lafaek News
