Lafaek News—Prezidente Komisaun Nasionál Direitus Labarik (KDL), komisária Dinora Granadeiro, afirma iha ámbitu ida ne’e inan-aman sira utiliza labarik sai hanesan instrumentu hodi hakonu nesesidade uma laran,
Dinora hateten iha 2020 KDL halo asesamntu badak ida ba labarik sira hamutuk atus tolu (300), ne’ebè halo hela serbisu hanesan faan manu-tolun, dudu gerobak, faan sasan iha dalan ninin no merkadu.
“Iha Pandemia Covid-19, Inan- aman barak lakon sira nia servisu no balu laiha rendimentu entaun sira uza labrik sira atu bele atrai ema atu bele sosa sira sasan, KDL haree katak ne’e violasaun diretu labarik no Konsidera hanesna traballu Infantil,” Prezidente KDL, komisária Dinora Granadeiro, hatoo asuntu ne’e hafoin partispa iha talk show iha studio televizaun lafaek news Balide Dili, segunda (31/05/2021).
Komisária direitus labarik ne’e rekoñese seidauk iha lei espesífiku kona-ba traballu Infantil atu regula servisu saida labarik bele halo no labele halo.
“Ita Iha lei draft lei ne’ebè servisu prinsipal kontra traballu infantil, ne’ebè tutela iha SEFOPE, servisu hamutuk Komisaun direitu labarik nian Finaliza ona lei draft ne’e agora da-daun iha hela Ministériu ne’ebè SEFOPE tutela ba ninia Meza,” afirma komisária KDL ne’e.
Hodi dehan, iha situsuan ida ne’e haree katak husi tempu ba tempu labarik sira barak ba bei-beik, hanesan labarik barak mak foti responsabilidade atu hakonu nesesidade familia nian, hanesan preokupasaun boot ida ba ema hotu, iha 2019 KDL lansa kampañia ida labele sosa husi labarik ne’ebè mak sai programa prinsipal ida ba komisaun atu halo advokasia hodi governu bele tau atensaun.
“Ita la rejista hotu maibè ita rejista balun ne’ebè hakarak fò sira nia informsaun sira ne’e ba ita, balun tauk sira nia inan-aman no Tiu-Tia sira ne’ebè mak fò servisu sira ne’e ba labarik sira,” nia akresenta.
Nia relata tan, labarik sira ne’e kuaze hotu-hotu eskola, uza sira nia tempu antes ba eskola no depois ba eskola, tanba ne’e husi lei ne’e hein katak bele lalais iha KM hetan aprovasaun no promulga husi Prezidente Repúblika atu bele implementa no sai hanesan baze ida Komisaun Direitu Labarik no Komisaun kontra traballu infantil, hodi bele proteje labarik sira husi traballu infantil.
Jornalista : joão da Costa Soares
Editor : Agapito de Deus
