Lafaek News—Mateus Correia idade 62, fatin toba la dignu no pasiensia nahe kulixaun at hodi toba iha rai ho sakrifisiu kesi kabun, tanba foos iha uma laran laiha depende rai-henek mota Komoro maibé laiha komprador.
Kbi’it laek Mateus Korreia 62 ho nia kaben Anapaula dos Santos 45 defisiensia liman, iha oan nain 7 kompostu husi feto 3 mane 4, nain 2 sei eskola ensinu primaria no sekundariu, nain tolu forma ona uma kain, maibé hela hamutuk de’it iha uma ida de’it ne’ebé lokalizadu iha aldeia Lemkari, suku Manleuana, postu-administrativu Don Aleixo, munisípiu Dili.
Ami nia moris maka hanesan ne’e, hahan laiha osan mós laiha atu hola hahan atu lori saida atu Sosa foos, moras Covid-19 halo ita buka osan mós la diak, labarik mós bele mate hotu tanba hahan laiha, ha’u mós serbisu labele ona ho idade 62 labele halo buat ida, hahan laiha ha’u nia vizinu sira mak ajuda fali lata 1 ka 2 hodi tahan ba ami nia moris loro-loron,” dehan Kbi’it Laek Mateus Correia ba lafaek news iha aldeia Lemokari, suku manleuana, foin lalais ne’e.
Maske idade aumenta beibeik la forsa ona hanesan uluk sei joven, maibé la toba nonok iha uma tenke la’o ba halo serbisu iha toos laran no mota laran, hodi hamós produtu lokal ne’ebé kuda iha toos no mós hili fatuk no raut rai-henek, maske nune’e susar nafatin liu-liu nsesesidade uma-laran, laiha osan laiha loro-loron depende de’it ba vizinu sira.
Ita garante ba mota pinera rai henek ret ida $15 dollar, no hili fatuk kada karon ida $1 dollar, mas agora ema la hola, ne’ebé ami mós araska tiha mak ne’e, ha’u mós idade ona araska ona” Hatete Mateus nakonu ho tristeza.
Alende problema nesesidade uma laran, Mateus mós preokupa ho kondisaun uma ne’ebé nia familia sira hela ba, uma ho medida 6×8, kuartu 6, sala vizita 1, ida dapur no haat toba fatin, haree husi didin ne’ebé haleu mea parede, didin ho kalen kuak no fruzen.
Bainhira hakat besik ba kuartu hare’e kama prega de’it ai kabelak hodi tahan netik isin moras iha tempu dekansa toba nian, maibé iha kuartu seluk nahe de’it biti iha rai hodi toba.
Uma ne’e kalen balun aat ona tempu udan araska, bee tama de’it tanba kleur ona, kuartu ida ami uza hodi tein deit, entaun dapur toba fatin han maka hamutuk iha ida uma de’it, osan laiha atu hadia, to’o ha’u ho labarik sira mós nahe deit biti iha rai toba iha leten, ita osan laiha atu hola kama no kolixaun, ita senti moris ne’e terus liu,” Mateus dehan Mata ween.
Dada lia ikus Mateus rekomenda ba governu atu tane as interese povu, tanba povu moris terus liu iha periodu propagasaun covid-19, lakon rendimentu hodi afeta ema sira ne’ebe, maibe ema riku kontinua riku liutan, ema kiak kontinua kiak too rabat rai.
Observasaun lafaek news nota, familia kbi’it laek Mateus prejisa duni tulun nesesidade bazika ba sira tanba foos iha karon hahú mamuk no ahi matan la suar hodi hein deit hahan iha toos laran no sadere ba vijinus sira nia laran di’ak.
Estajiadu : Tome Exposto
Asisten Editor : Pedro de Almeida
