LafaekNews—Diretór Estabelesimentu Prizaun Bekora,(DEPB), João Domingos, informa, prizaun Bekora hahú re-ativa hikas ona família sira vizita prizional bekora, maibe vizitante sira tenke sujeita ba regra Ministériu Saúde (MS), no Organizasaun Mundiál saúde nian (OMS)
Tuir Diretór Prizaun Bekora, João Domingos, Bazeia desizaun husi guvernu Iha loron 08 fulan setembru tinan 2021 ho rezultadu hakotu impozisaun konfinamentu obrigatóriu jerál ba populasaun iha Dili ih loron 09 fulan setembru tinan 2021 Husi ida-ne’e estabelesimentu prizional de Bekora husu permisaun ba Exelentisimu Señor Ministru Justisa atu loke atividade vizita familia ba populasaun prizional Bekora
“Ho ida-ne’e Exelentisimu Señor Ministru Justisa fo autorizasaun liu husi señor Diretór Nasionál Serviços Prisionais no Re-insersaun Sosial hodi reativa fali atividade simu vizita familia no atividade relijioza nian maibe hot-hotu tenke sujeita ba regra organizasaun mundial saude nian (OMS),”Diretór prizaun Bekora, João Domingos, hato’o asuntu ne’e liuhusi komunikasaun imprensa ne’ebé lafaeknews asesu iha tersa-Feira, (14/09/2021),
Nia hatutan, ho nune’e estabelesimentu prizional de Bekora hahu’u simu fali atividade visia familia ba maluk populasaun prizional iha segunda loron 13 fulan setembru tinan 2021 no to’o iha informasaun foun (Oras nafatin tuir orariu anterior), Husu vizitante sira atu sujeita ba instrusaun sira maka hanesan tuir mai ne’e, no Vizitante sira tenke aprezenta prova identidade ne’ebé validu mak hanesan kartaun eleitoral, Bilite iddentidade, Pasporte,nst
Vizitante sira tenke aprezenta kartaun Vasina relasiona ho aktu ba prevensaun Covid-19, Permite de’it vizitante na’in 01 ba hasoru malu ho populasaun prizional na’in 01,Vizitante sira tenke sujeita ba regra organizasaun mundiál da saúde(OMS) kona-ba medidas prevensaun Covid-19 maka tenke fase liman, usa maskra no sosial distansia nia, nia imfoma.
“Vizitante sira bandu labele kontaktu fiziku(labele kaer liman, hakoak malu, rei malu) ho familia sira ne’ebé estadia iha estabelesimentu prizional,”esplika Diretór prizaun Bekora.
Tuir dadus kona-ba dadur sira ne’ebé iha prizaun Bekora to’o ohin loron 14 setembru 2021 maka hanesan tuir mai ne’e, prizaun condenado 406, prizaun preventiva 111, total 517.
Estajiadu : Azelio da Cruz
Asisten :Egidio Nono
