Lafaek News—Sentru Integradu Jestaun Krize, Sala Situasaun (SIJK-SS) liu husi ekipa saúde rejistu kazu foun hamutuk na’in-62, husi munisípiu Dili na’in-60 no munisípiu sira seluk na’in 2, pasiente ne’ebé rekuperadu surtu Covid-19 na’in-30.
Koordenadór Forsa Forsa Tarefa ba Prevensaun no Mitigasaun Surtu Covid-19, Rui Maria de Araújo, informa, kazu detetatu foun ne’ebé relata iha iha loron 19 fulan Abril tinan 2021 62 (iha Dili 60, iha munisipiu seluk 2), kazu rekuperadu 30, total kazu ativu ohin 673.
“Kazu detetatu foun ne’ebé relata iha iha loron 19 fulan Abril tinan 2021 62 (iha Dili 60, iha Munisípiu seluk 2), no kazu rekuperadu totál 30, enkauntu kazu pozitivu ne’ebé ativu ohin aumenta ba 673, husi totál kazu detetadu foun ohin mane 39, no feto 23,”dehan Kordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS) Rui Maria de Araújo liu husi Komunikandu imprensa Segunda (19/4).
Enkuantu nia hatutan, dadus jerál iha Timor-Leste tomak kazu konfirmadu kumulativu (sura husi 21 Marsu 2020) 1368, nune’e husi totál kazu detetadu foun ohin asintomátiku 59 (95%) sintomátiku 3, husi totál kazu detetadu foun ohin, 43 (69,3%) maka deteta tanba halo teste ho razaun atu halo viajen ka halo ona viajen ba munisípiu hafoin deteta pozitivu enkauntu sira ne’ebé rezultadu teste pozitivu, sira-nia hela fatin, iha Dili, iha duni cluster sira ne’ebé iha kazu detetadu barak.
Nune’e, husi horiseik mai ohin, hamutuk hotu Laboratóriu Nasionál Saúde halo 535, testes PCR, ho detalles, vijilánsia sentinela 6, rastreiu ba kontaktu (Contact tracing) 102, Rastreiu Aleatóriu (Random Screening) 179, Viajen sai husi serka sanitária munisípiu Dili 245, Viajen internasionál 3 no Follow up iha kuarentena.
Ba da-daun iha izolamentu Vera-Krúz ha kazu detetadu na’in-8, iha área obstetrisia na’in-3, medisina interna na’in-5, sira na’in-3 iha obstetrisia, 1 partu normal (bebé 1),1 partu oan-kaduak, 1 fali ho istória Cesariana, sei hein atu partu, sira na’in-3 kategoria moderadu hotu no Kondidaun bebé na’in-3, estável.
Ikus liu Rui informa, pasiente foun na’in-5 iha medisina interna, 1 grave, na’in-4 moderadu, Kazu grave nafatin uza ventilador no ai-moruk bal tuir protokolu ne’ebé Timor-Leste.
Entretantu, total dadus covid-19 ne’ebé SIJK rejista, total konfirmadu hamutuk 1,306, kazu ativu hamutuk 639, rekuparadu hamutuk 665 no mate hamutuk ema nain rua (2).
Dadus ohin loron iha nasaun Repúblika Indonezia (RI), konfirmadu total 1,609,300, ativu 105,859, rekuparadu 1,455,065 no mate hamutuk 43,424.
Kazu covid-19 iha Estadu Unidos Amérika (USA), kazu konfirmadu hamutuk 32,404,454, ativu 6,862,164, rekupradu 24,961,229, mate hamutuk 581,061.
Jornalista : Sandi Belo
Asisten Editór : Egidio Nono
