Lafaek News—Koordendór Terrenu Herculano Asala Vicente husi Grupu Timor Oan Tane Malu (TOTM), afirma Timor-oan sira labele atu hanoin kritiku de’it, maibe presiza fo solusaun atu responde situasaun dezatre natureza iha rai laran.
koordenador TOTM ne’e hato’o kestaun hafoin hala’o apoiu nesesidade bázika hanesan foos ho super-mie Sedaap ba vítima uma kain hitu (7) ne’ebé afetadu ba inundasaun iha loron hirak liu ba iha area Aimutin sentral suku Madoohi postu administrativu Dom Aleixo, munisipiu Dili.
“Intesaun husi apoiu ne’e hanesan sidadaun sente ita nia aan nain ba rai ida ne’e, entaun momentu ida iha situasaun difisil hanesan ne’e ita la bele dehan husik deit governu mak hare’e no ita hein kritika deit ne’e lae,” dehan Kordenado TOTM Herculano Asala Vicente ba jornalista, tersa, 20/04/2021.
Koordenadór ne’e hatutan, iha situasaun difisil hanesan ne’e tenke ajuda governu hodi fo solusaun ba vítima too tempu krítiku maka bele krítiku, maibé karik halo krítiku tenke fo mós solusaun.
“Se ita hakara krítiku de’it lakohi fo solusaun entaun ita la’os nain ba rai ida ne’e ho ida mak ita hetan ona tenke fahe naton ba maluk sira ne’ebé presiza tan ne’e hadomi ema hotu hanesan ita nia aan rasik,” nia esplika.
Grupu TOTM ne’e mós planeia atu ba oin sei kontinua ba apoiu ema ne’ebé presiza nesesidade emerjénsia maske apoiu ne’e natoon, maibé sira hakarak kontribui halo kma’an terus ne’ebé vítima inundasaun sira hasoru.
Iha fatin hanesan Benefisiáriu, Romario das Silva Paiseco, espresa nia sentimentu orgullu, tanba hetan ona nesesidade bázika husi grupu TOTM hodi responde moris loron-loron nian, nune’e mós nia hato’o agradese ba grupu TOTM tanba hakmaan ona terus ne’ebé hasoru.
Jornalista :Orlando Magno
Asistem Editór : Pedro de Almeida
