Lafaek News-Ministériu da Saúde (MS) liu husi Sentru Integradu Jestaun Krize(SIJK) Informa, ekipa saúde rejista tan kazu Pozitivu Covid-19 Foun iha Dili hamutuk atus ida sanolu resin neen(116) Inkluí Bebe na’in ida (1) baixa hela iha sala izolamentu Vera Krus.
Tuir esplika kordenadór forsa tarefas ba prevensaun no mitigasaun surtu covid-19, Rui de Araújo, hateten, Kazu detetadu foun ne’ebé relata ohin dia 28 de Maiu de 2021, totál 163, husi totál ne’e iha Dili 116, iha Munisípiu seluk 47.
“Kazu detetadu foun ne’ebé iha 163, husi totál ne’e iha Dili 116, iha Munisípiu seluk 47, totál kazu detetadu foun ohin: mane 98, feto 65, husi kazu hirak ne’e ho tinan 12:4, ho idade entre 12-59 hamutuk na’in 153 ho idade 60 na’in 6,” esplika kordenadór Forsa Tarefas ba Prevensaun no Mitigasaun Surtu Covid-19, Rui Maria de Araújo, liu husi komunikadu imprensa, sexta (28/05/2021).
Nune’e, nia dehan, sira na’in 15 iha obstetrisia, kategória leve (mild) hotu, Husi sira na’in 19 iha medisina intema, na’in 5 grave (2 iha ICU uza CPAP, 3 uza oxijéniu), na’in 6 moderadu, na’in 8 leve (mild).
“Foin primero vez bebe ida moris iha vera cruz husi bebe na’in 17 ne’ebé moris husi inan pozitivu hafoin halo teste swap, bebe mós pozitvu, Kazu ne’e tama iha Kategoria level mind,” nia deklara.
Nia informa, Kazu 2 iha pediatria, 1 moderadu, 1 leve (mild), Kazu 1 iha neonatolojia, moris liu husi partu normal iha fasilidade Izolamentu Vera Cruz, husi inan pozitivu ho ycle Threshold (CT) 2gene 24,9, Egene 24,0. Hafoin hala’o test PCR, bebe mós pozitivu ho cyde Threshold (CT) N2gene 18,2, Egene 14,4, Kazu detetadu foun ohin, proporsaun kazu sintomátiku hamutuk 4,9%, Kazu rekuperadu ne’ebé ralata ohin, dia 28 de Maiu 2021: 198, totál kazu ativu ohin, 2692 no kazu konfirmadu kumulativu iha 28 de Maiu 2021 (sura husi 21 Marsu 2020):6622.
Rui relata, Iha dia 28 de Maiu de 2021, izolamentu Vera Kruz halo tratamentu ba kazu detetadu hamutuk na’in 37, iha área obstetrisia na’in 13,no iha medisina interna na’in 19, pediatria 2, neonatolojia 1.
Jornalista : Sandi Belo
Asisten Editór: Egidio da C. T. Nono
