Lafaek News–Adjunta prokuradór Jéral Repúblika, Remizia de Fátima informa kona-ba kazu eis Ministru Turizmu no atual Sekretariu jeral Partidu CNRT, Francisco Kalbuadi Lay prosesu sei la’o hela iha ministériu públiku (MP) hein entrega ba tribunal hodi hala’o prosesu julgamentu.
Adjunta Prokuradora Jeral Repúblika hatoo asuntu ne’e hafoin remata enkontru ho Prezidente Repúblikaa, Francisco Guterres Lú Olo, segunda (28/03/2022) iha palasiu preziidente Bairu-pite Dili.
Kona ba kazu Francisco Kalbuady Lay nian ha’u hanoin ida ne’e hanesan babain prosesu ne’e sei lao, intrega ba Tribunal Rekursu, bainhira Jurlgamentu karik nia sala tenki asumi responsabilidade ne’ebé mak iha, karik la sala konforme deside tuir lei,’’dehan Adjunta prokurador Jéral Repúblika Remizia de Fátima iha Palásiu Prezidensiál bairo-pite segunda 28/03/2022.
Iha okaziaun ne’e adjunta PJR ne’e relata mós kazu ne’ebé akontese durante kampaña eleisaun prezidénsiaa perante loron 15 no eleisaun deteta kazu krime eleitóral hamutuk 7, kompostu husi Dili kazu 6, iha Baukau kazu 1.
Ba kasu ne’ebé akontese durante kampaña no eleisaun, krime eleitóral ninia, Iha dili kazu 6,iha Baukau kazu 1 i ba prosesu sira kona ba perturbasaun ba aktu eleitóral, maioria perturbasaun aktu eleitóral, durante votasaun ninian, prosesu sira ne’e kaer iha fragante de litu sira ne’e lori ona ba Tribunal Rekursu iha prosesu sumariu maioria hetan ona desizaun husi Tribunál Rekursu”,
Tuir adjunta, ùniku kazu ida perturbasaun ba aktu eleitóral iha Fomentu Dili, ida ne’e mak apresenta iha primeira interogativu, tanba akontesimentu ida ne’e lahanesan ho sira seluk, ida ne’e Violensia, uza mos Armas, iha hela faze investigasaun, propaganda aktu eleitóral akontese iha Liquiça, ida seluk iha bairo dos grilhos ninia ida ne’e prosesu normal lao hela.
Iha Tinan 2022 kazu tama Ministeriu Públiku 2750, total prosesu pendente hamutuk 2369, prosesu maioria pendentes barak liu iha prokuradoria distrital Dili, tuir Baucau,Suai, no mos ikus liu Oe-cusse”, deklara adjunta Remizia.
Entretantu iha enkontru ne’e xefe estadu Francisco Guterres Lú Olo, ho Adjunta prokurador Jéral Repúblika Remizia de Fátima toka mos asuntu kona-ba Servisu ne’ebé Ministériu Públiku hala’o durante ne’e, no kazu pendentes ne’ebé iha prokurador Jéral ninian, kazu korupsaun inklui, no kazu Francisco Kalbuady Lay.
Jornalista : Rita Moniz
Editor : Agapito de Deus
