LafaekNews – Presidente Tribunal Rekursu Deolindo dos Santos informa, Tribunal Rekursu to’o agora seidauk simu rezultadu apuramentu  Nasional nia  provizóriu husi Comisaun Nasional Eleisaun, (CNE) fiar katak sei remete iha tempu badak nian laran.

“Ohin ha’u seidauk simu Rezulta apuramentu eelisaun provizóriu husi CNE, ha’u fiar katak sira sei remete ba iha tempu badak nian laran”, esplika Presidente Tribunal Rekursu Deolindo dos Santos ba jornalista sira iha Palásiu Prezidensiál bairo-pite hafoin remata Inkontru ho Prezidente Republika ,segunda (28/03/2022).

Prezidente Tribunal Rekursu Hateten Tan Tribunal Rekursu atu fo sai rezzultadu apuramentu nasionál , em termus de regra lei eleisaun Presidensial ne’ebé maka atribui ba Tribunal Rekursu, ezerse kompeténsia Tribunal Rekursu nian, durante oras 72, CNE ba iha Tribunal Rekursu.

“sira remata ohin entaun Signigika katak, oras 72 ba oin, ne’ebé prazu ne’e difini iha lei katak prazu ne’e substantivu, ne’e atu dehan de’it katak hakarak ka lakoi Tribunal Rekursu tenki desidi iha oras 72 nia laran la bele liu”, PTR Deolindo deklara.

Tuir Prezidente Tribunal Rekursu Deolindo katak, esforsu tomak ne’ebé Tribunal Rekursu (TR) halo mak ne’e, ” labele ultrapasa prazu ,se bele desizaun ne’ebé sai rapidu, ”  posivel atu bele fo sai serteza ba konkore sira katak desizaun senteza final eleisaun ba iha Tribunal Rekursu nia mak ne’e, esplika Prezidente Tribunal Rekursu Ba Jornalista sira iha Palásiu Prezidensiál bairo-pite.

Jornalista : Rita Moniz
 Editór         : Acacio Pinto