Lafaek News–Comisaun Nasionál Eelesoens (CNE) ofisialmente entrega ona rezultadu apuramentu nasionál ba Tribunal Rekursu hodi pronúnsia validasaun ba servisu ne’ebé CNE ezekuta ona.
Iha komunikadu imprensa ne’ebé lafaek news asesu husi pájina CNE iha loron 28/03/22022, sita katak haktuir ba lei eleisaun presidente nú. 15/2021 no dekretu governu nú. 7/2022, katak, hafoin oras 72 CNE elabora akta rezultadu apuramentu nasional nian, durante oras 24 nia laran CNE hein karik iha reklamasaun ka kontestasaun kona-ba rezultadu provizoriu ne’ebe CNE anunsiu.
Nune’e, iha loron hanesan 28/03/2022, iha oras 18:00 CNE, ne’ebe lidera hosi Presidente, Jose Belo, akompañia hosi estrutura tomak CNE nian, Dirijentes Sekretariadu Jeral CNE, seguransa PNTL, kobertura hosi mídia, CNE remete ona ba Tribunal Rekursu (TR) hodi pronúnsia no halo validasaun ba rezultadu apuramentu ne’ebe CNE ezekuta ona.
Komunikadu ne’e haktuir, CNE aprezenta ba Tribunal Rekursu akta apuramentu munsipiu, Rejiaun, Diáspora no akta Apuramentu Nasional nian ne’ebé hamutuk iha urna ida, simu direta hosi Presidente Tribunal Rekursu, Deolindo dos Santos.
Entretantu Tribunal Rekursu sei halo análiza ba akta apuramentuCNE nian durante oras 72 nia laran hafoin proklama rezultadu final eleisaun Presidente 2022 nian iha loron 1 fulan Abril.
Tuir kalendariu eleitoral nian katak hafoin de proklama, aumesmu tempu halo kedas sorteiu ba kandidatu nain rua ne’ebe posivel avansa ba segunda volta, no realiza mos sorteiu ba númeru ordem bulletin votu nian. Kampaña eleitoral ba segunda volta nian sei realiza mos iha loron 2 to’o loron 16 fulan Abril tinan ne’e.
Mídian : CNE
Editor : Agapito de Deus
