Lafaek News-Porta voz Polísia Nasional Timor-Leste (PNTL), Superintendente Xefe Polísia, Armando Monteiro informa, PNTL Lautem liu husi Polísia Servisu Investigasaun Kriminal lori ona suspeitu ba Bekora hodi kumpre prizaun preventiva.https://lafaeknews.tl/deskomfia-aman-rasik-baku-mate-oan-hafoin-tara-iha-aileten/
Kronolojia husi akontesimentu ne’e, akontese iha loron 13 fulan Maiu 2022, iha tuku 16 lokraik, iha Lohomatun aldeia Acalopon suku Com postu administrativu Lautem munisípiu Lautem, bainhira nia aman rasik haruka nia oan (matebian) atu harii bandeira rin hodi hasa’e bandeira RDTL relasiona ho 20 de Maiu 2022, maibé matebian lakohi halo tuir saida mak nia aman (suspeitu) haruka, nune’e matebian nia aman baku vítima too mate fatin hodi lori ba tara fali iha Com katak matebian mak tara-an.
Bazeia ba desizaun tribunal munisipal Baukau, komandu PNTL munisipiu Lautem liu husi investigasaun kriminal akompaña suspeitu DDS mai iha Bekora hodi kumpre nia dever iha prizaun preventiva,” dehan Porta vos PNTL Armando ba jornalista iha Kuarter jeral PNTL Kaikoli Dili, 18/05/2022.
Portavos afirma, Kazu ida ne’e akontese rezulta joven ida lakon nia vida, hafoin PNTL halo atendimentu no halo ezaminasaun iha fatin krime, komandu Lautem foti kedas medida orienta polisia halo kapturasaun ba vítima ninia aman rasik ho inisiál DDS hodi submete ba prizaun preventiva.
Nia esplika, Motivu husi akontesimentu nee suspeitu mos hakarak selebra loron independénsia iha nia rezidénsia hodi obriga vítima atu halo limpeza jerál, maibé vítima rezeita tanba idade sei mínimu tanba ne’e suspeitu halo agresaun ba nia oan too mate.
Liu husi maneira tara tali ba kakorok depois suspeitu relata ba autoridade katak kazu nee tara aan, maibe Ita nia ekipa investigasaun nia estratezia no maneira hodi deskobre kazu ida nee, entaun Horisehik 17/05/2022 PNTL lori ona suspeitu mai iha tribunal distrital baukau hodi prosesu iha premeiru interogatoriu,” Nia Hakotu.
Jornalista :Orlando Magno
Editor : Agapito de Deus
