Lafaek News-(Lautem)-Comisaun Nasionál Eleisaun (CNE) munisípiu Lautém halo agradesimentu ba sususe ofisiál superivizionál sira no servisu tomak CNE ne’ebé lori susesu iha eleisaun prezidensiál primeira ho segunda volta iha Lautém.
Komisáriu CNE munisípiu Lautém, Olavio Cristovao ba jornalista katak serimonia agradesimentu ne’e iha objetivu iha rua, ida atu halo avalisaun internal iha atividades no prosesu eleitoral nian, rua haree mós dezafius sira hodi hadia ba futuru.
Serimonia agradesimentu ne’e hanesan aplikasaun ida atu nune’e CNE servisu di’ak hodi haree ba aktus eleitoral sira ho di’ak, uza mós oportunidade ne’e hodi agradese ba parte hotu eletores sira, líder komunitariu sira, observadores internasionál fiskais nasionál no sira ne’ebé servisu hamutuk hodi lori susesu iha eleisaun ida ne’e,’’ dehan prezidente CNE Lautém iha diskursu.
Komisáriu ne’e rekonese eleisaun prezidensia primeiru ho segunda volta nian partisipasaun tun, maibé la signifika taxa partisipasaun ne’e di’ak, husu nafatin ba eleitores iha konesimentu di’ak tebes ba demokrasia parabens no susesu nafatin ba povu Lautém tomak.
Observasaun lafaek news nota, serimonia agradesimentu ne’e realiza iha salaun jenáziu munisípiu Lautém, programa husi serimonia ne’e han hamutuk no distribui sertifikadu ofisial ba supervizionariu eletoral sira.
Jornalista : CE.Lautém
Editór : Agapito de Deus
