Lafaek News—Movimentu Juventude Munisípiu Manufahi (MJM), António Rebelo Mendes, Kuarta/13/09/2023, deklara lamenta ho oknum Polísia Militar ho oknum veteranus sira iha munisípiu Manufahi, iha ne’ebé uza armas povu nian hodi hamate animal povu nian iha tempu kalan.
Porta-voz MJM António haktuir bazeia ba akontesimentu kasa illegál husi oknum Polísia Militar ho oknum veteranus sira iha munisípiu Manufahe, postu administrativu Same, suku Betanu, Aldeia Selihasan.
“Tan ne’e ami husi movimentu estudante munisípiu Manufahi lamenta tebes ho aktus hirak ne’ebé akontese hodi hamate komunidade sira nia karau iha suku Betanu, Aldeia Selihasan, tanba komunidade sira kaer toman iha loron 10 fulan ne’e, tinan 2023, mais ou menus oras tuku 04 liu minutu 20 madrugada, iha ne’ebé dalan kruzamentu entre Mota-Kelan no Feriksare,” haktuir porta-vos António Rebelo Mendes.
Tuir informasaun no kronolojia ne’ebé iha aktu ba uzu kilat ka arma pezada ba kasa ka tiru komunidade sira nia animal hakiak, tanba aktu ida ne’e la’os foin akontese, maibé dala ne’en (6) ona, ho nune’e obrigadu karau nain sira kalan-kalan tenke ba toba hodi hein karau iha karau luhan.
“António dehan, tanba ne’e ami husi movimentu estudante munisípiu Mnaufahi, ami kondena I lamenta tebes ho aktu ne’ebé mak komete husi oknum polisia militar ho oknum veteranus ne’ebé mak oho karau hakiak no animal fuik sira iha munisípiu Manufahi, tanba uza armas estadu nian hodi oho animal povu nian iha tempu kalan, tanba armas estadu nian atu asegura povu husi konflitu ruma ne’ebé mak akontese iha rai laran, laos ba oho fali povu sira nia rikusoin ne’ebé mak hodi sustenta familia, oknum refere ne’ebé mak uza armas pesadus hodi oho povu nia animal, kontra tebtebes ona lei ambiental nian, nune’e mós oknum veteranus ne’ebé sai mata-dalan ba oknum polisia militar ne’ebé hodi oho karau povu nian kontra ona prinsipiu luta nain sira nian katak liberta patria no liberta povu, aleinde ne’e mós Guarda Floresta munisípiu Manufahi professional hodi halo prevensaun ba kasa illegal sira ne’ebé mak uza tempu kalan hodi oho povu sira nia animal no animal fuik sira ne’ebé sai hanesan rikusoin nasaun nian”. António dehan.
Nia salienta katak, iha akontesimentu ida ne’e oknum illegal sira konsege tiru mate komunidade sira ni’a animal hakiak sira hanesan karau no animal fuik sira hanesan rusa.manu fuik nst.
Ho ida ne’e ami husu ba Orgaun no instituisaun relevante sira
1.Husu bá prezidente da repúblika hanesan mós komandante da supremo atu halu samada atensaun ba Autoridade militar sira ne’ebé uza armas povu ni’an hodi bá oho povu sira nia animal
2.Tanba ne’e ami husi ba komandante F-FDTL atu foti medida hasoru oknum polisia militar ida ne’ebe uza armas povu nian hodi ba oho povu nia animal
3.Husu ba Prezidente Konsellu Veteranus Timor-Leste atu sama atensaun ba oknum veteran ida ne’ebe sai hanesan matadalan hodi lao hamutuk ho oknum polisia militar id aba oho povu nia animal
4.Husu ba parlamentu nasional liu huis komisaun B atu halo fiskalizasaun ba erru ne’ebe akontese iha munisípiu Manufahi tamba kartus ne’ebe uza hodi oho povu sira nia animal ne’e uza povu sira nia osan hodi sosa
5.Husu ba prevedoria dos Direitus Humanus no Justisa PDHJ atu halo investigasaun profunda ba kauza ne’ebe oknum sira oho animal iha munisípiu manufahi no rezultadu investigasaun tenke publikasaun ba públiku
6.Husu ba ministerium defeza atu halo atuasaun rigor ba oknum ida ne’ebe utiliza armas hodi oho animal povu sira nian
7.Husu mos ba ministerium agrikultura liu husi Sekretariu Estadu Floresta atu kondena oknum sira ne’ebe utiliza armas povu nian hodi oho animal, tuir lei ne’ebe mak vigor ona iha ministerium relevante.
Jornalista : Julio da Conceiçaõ.
Editor : Agapito de Deus