Lautem (Lafaek News)-Autoridade lokal suku Leuro Carlito Viegas, husu foin sa’e Leuro ona labele rai de’it material ne’ebe hetan husi formasaun “ life skill bassed education” (LSBE) husu atu implementa iha komunidade suku Leuro.
Ha’u husu ba imi atu labele rai deit imi nia matenek ne’ebe mak imi hetan husi formasaun LSBE ida ne’e, implementa no fahe mos ba juventude sira atu nune’e sira mos bele aprende hotu,hodi implenta iha moris loron-loron,” Carlito Viegas hatoo asuntu ne’e iha seriomnia enseramentu formasaun LSBE iha sede suku Leuro Lautem sabado 133/11/2021.
Nia deklara programa ida ne’e foin primeira vez, mak sentru juventude munisipiu Lautem postu administrativu Lospalos implementa iha fatin ida ne’e, espera liu husi formasaun ida ne’e bele muda juventude sira nia mentalidade, hahalok hodi bele implementa iha moris loron-loron.
Iha fatin hanesan juventude Brito das Neves hateten, programa ida ne’e di’ak tebes tanba hanorin kona abilidade moris loron,loron, bele muda mentalidade, no hanoin, bele implementa iha moris.tanba juventude mak futuru nasaun nia.
Programa ida ne’e di’ak tebes tanba material lsbe ida ne’e hanorin kona abilidade moris loron,loron , objetivo bele muda mentalidade, no hanoin tanba juventude mak future nasaun nia, bele implementa iha moris,” hateten Brito.
Formasaun LSBE ne’e hala’o durante loron lima iha sede suku Leuro, partisipa husi juventude suku Leuro no estudante UNTL ESS hamutuk nain 18.
Jornalista : Rita Moniz
Editor : Agapito de Deus
