Lafaek News—Xefe Departamentu ICU Hospitál Nasional Guido Valadares, Doutor Vidal de Jesus Lospes, informa infelizmente kondisaun padre José Antonio da Costa grave tanba orgaun maioria la funsiona ho di’ak sei aguenta ho ventilador atu bele dada iis.
“Agora da-daun iha sala ICU iha faze krítiku signifika agora ho ventiladór hodi Nia dada is, agora iha ICU ne’e nia orgaun sira la funsiona ho diak,” Chefe departamentu ICU HNGV, Vidal de Jesus Lopes ba Jornalista jornalista sira iha HNGV, tersa (27/12/2022). https://www.lafaeknews.tl/padre-jose-antonio-kontinua-tratamentu-intensivu-iha-hngv/
Xefe departamentu ICU ne’e dehan, dotor sira halo ona evaluasaun ba tratamentu ho rezultadu nai, lulik ne’e nia isin ladun diak, iha posibilidade atu salva, maibé ho porsentu kiik.
“Ami halo ona evaluasaun ba tratamentu ami fo ne’e nia resposta nia isin la dun diak signifika iha faje krítiku posibilade ita salva ne’e pursentu kiik, ne’e honestamentu ami tenke publika ba sarani hotu hotu hatene ,” katak xefe departamentu ICU ne’e.
Monsinor José António idade ( 82 ) , ho kondisaun saúde atual haree husi kriteria no esperiénsia la tama ona kriteria atu transfere ba rai liur, razaun ho kriteria lubuk ida sei halo faze junta médika, katak iha posibilidade bele salva iha rai liur, munsinor José Antonio da Costa tama baisa iha Ospital Nasional Guido Valadares iha loron 23 fulan Dezmebru 2022, tanba sofre hela moras ran midar ho tensaun.
“Ita bele ba más kuado junta médika mak laiha posibilidade salva, ita la haruka ba antes ne’e Amu José Antonio sofre moras ran midar ho tensaun no nia mos halo ona intervensaun iha rai liur no foin lalais loron 23 mak lori mai ICU agora da-daun nia toma hela,” Vidal hakotu.
Iha sorin seluk, Padre Vigáriu Katedrál Dili, João Soares husu sarani kristaun katólika hotu iha Timor Leste, atu akompania nafatin orasaun ba nai-lulik munsinor José Antonio da Costa, nune’e bele rekupera lalais husi kondisaun krítiku ne’e.
“Husu ba sarani sira atu nafatin halo orasaun ba Munsinor Jose Antonio da Costa atu maromak tulun nafatin nia, nia mos kleur servisu ho Ita iha Igreja,” Amu Vigáriu Katedrál ne’e hakotu.
Jornalista : Acacio Pinto
Editor : Agapito de Deus
