Lafaek News—Uma Kreda Katólika Timor Leste, ho tristeza lakon ona bibiatan munsinor José Antonio da Costa, hafoin hakotu iis moris nian iha oras 14 (OTL) madrugada. iha ICU Hospital Nasional Guido Valadares
Reprezentante familia husi matebian padre José Antonio da Costa, Borja Patrosino hateten ba da-daun mate isin munsinor José Antonio da Costa hatoba ona iha Igreja Katedral Dili Timor Leste, hodi akompania orasaun husi sarani kristaun katólika hamutuk ho Cardial Dom Virgílio da Silva do Carmo.
“Amu Jose hakotu ona iis moris iha tuku 2 madarugada iha sala ICU Oras ne’e da-daun, amu nia mate isin rai ona iha Kadedral Dili no akompania reja hosi sarani sira no Kardial Dom Virgilio da Silva do Carmo,” katak Borja ba lafaek news iha Katedral Dili, kuarta (28/12/2022).
Borja Patrosino mos esplika, Dom Virgílio da Silva do Carmo, hala’o ona reuniaun ho familia matebian nian hodi deside serimonia funebre saudozu munsinor José Antonio da Costa.
Padre José Antonio da Costa nia alin rasik mak saudozu Borja da Costa nu’udar autor ba testu Hino Nasional Patria-Patria iha tinan 1975,
Situasaun atual iha Igreja Katedral Vila-Verde Dili Timor Leste, nailulik sira hamutuk ho sarani husi familia matebian deside hela prosesu funebre ba saudizo munsinor José Antonio da Costa hala’o venerasaun hafoin lori ba halot iha simitériu seminariu menor Ailok-laran Dili.
Jornalista : Acacio Pinto
Editor : Agapito de Deus
