Lafaek News—Negosiante fan Nuu, Julio da Costa Pereira, enkoraza nia maluk joven atu labele moe hala’o atividade negósiu atu bele muda moris husi susar terus.
Imajen ne’e konsimudora ida sosa hela Nuu laloir husi Julio iha Largo Lesidere, Foto LN : Sabina Sancha.
“Ha’u sente triste tebes bainhira fan nuu, tanba ha’u hakarak eskola maibé nesesidade obriga, ha’u tenke fan duni n’u hodi sustenta ha’u nia familia sira,” dehan Julio ba lafaek news iha Largo Lecidere Dili, sesta semana ne’e.
idade 23 foin sa’e ne’e esplika familia sira laiha kbiit hodi suporta nia ba eskola tan ne’e nia deside fan nuu atu bele apoiu nesesidade báziku iha nia familia uma laran.
Nai dehan atividade fan Nuu ne’ebé hala’o kuaze tinan 2 ona, ho razaun familia sira laiha kbiit hodi suporta nia ba eskola, nune’e duke soe tempu di’ak liu aproveita tempu hodi buka osan, tanba liu atividade negósiu bele muda moris di’ak ho lalais.
“Ha’u ba eskola ,tan ida ne ha’u foti desizaun fan nuu ,no nuu ne’ebé mak ha’u fa’an ema sosa, osan balun ha’u haruka ba foho hodi suporta ha’u nia alin sira nia eskola, no osan balun inan aman uza ba lia,” kaatak nia.
Rendimentu husi nuu loron ida ema sosa too $10, maibé sorte loron ida hetn dolar $5, tanba situasaun ekonomia ohin loron la’o ladún estavél dezde kedan 2017 too 2020 tinan ne’e.
“Nuu ne’ebe mak ha’u fan dalaruma loron ida hetan 10 dolar de’it ,tanba agora ha’u fan la hanesan, iha, fulan kotuk ha’u fan loron ida daruma ema hola 15 dolar ,maibé agora tama ho situasaun estadu emerjénsia dala ruma ema hola too 5 dolar kada loron,” esplika negosiante ne’’e.
Ikus liu Julio sujere ba nia maluk joven sira atu labele moe hala’o atividade negósiu, tanba vida negósiiu ne’e bele muda moris lalais, maski la riku liu, maibé bele ona responde nesesidade iha uma laran.
” Ha’u fan nuu la’os ha’u nia inan aman mak obriga ha’u hodi fan maibé ha’u rasik hakarak duni fan, tanba ha’u hare’e ha’u nia ekonomia ladún sufisiente entaun ha’u fan hodi suporta ha’u nia familia sira inklui hadia ha’u nia moris,” nia hakotu.
Kontrbutora : Domingas Viana Brito
Editora : Nelya Barros
