Lautém—(Lafaek News)–Eufemia de Jesus estudante husi CAFÉ Lospalos hetan fiar husi governu hodi lori bandeira lulik RDTL isar iha loron proklamasaun independénsia 28 de Novembru ba dala 45 iha Lautém.
Estudante CAFE Lautem, Eufemia de Jesus Caminha. Foto LN: Elidio Castro.
Eufemia de Jesus Caminha idade sanulu resin hitu (17), altura 1,70 CM, estudu iha CAFE Lospalos, oan husi Bendito de Jesus Caminha (matebian) no Inan Angelina de Jesus da Silva, oan ikun husi maun nain 3 no bin nain rua Eufenia agora tuur iha klase désimu primeriu anu.
Bainhira lafaek News dada lia ho Eufemia ho naran bolu Lara ne’e ho hamnasa hateten, prontu hodi lori bandeira nasionál iha munisípiu Lautém prontu ona iha fiziku no mentalidade nakonu.
“Ha’u persiza treinu halo makas tan atu ha’u bele susesu lori Bandeira nasionál, tanba tuir nia lori Bandeira nasionál ne’e responsabilidade boot tebes tanba ne’e ha’u sei hatudu ha’u nia profesionalismu atu susesu iha komemorasaun 28 Novembru tinan ne’e.
” Ha’u sente konteten bainhira eskola hili ha’u lori Bandeira nasionál, ba da-daun ne’e ha’u nia fíziku di’ak no ha’u laiha moris ida tanba ne’e ha’u garantia tebes atu lori hasae Bandeira nasionál ho susesu, primeiru eskola hili ha’u ha’u sente tauk tamba ba ha’u primeira vez ha’u lori Bandeira nasionál maibé durante semana hira ha’u treinu ne’e ha’u sente di’ak no ha’u la tauk ona atu lori Bandeira nasionál hodi hasae iha tempu dadeer ohin,” katak Eufenia ba lafaek news hafoin remata isar bandeira iha munisípiu Lautém, sábadu (28/11/2020).
Iha sorin seluk, Rebeca Teresa Dias, oan husi Matias da Costa Dias no Agustinha da Costa Vong, oan ikun husi maun alin na’in 7, agora da-daun tuur iha eskola désimu primeiru anu iha eskola CAFE Lospalos sai hanesan responsabilizadora sei hatun bandeira nasionál iha parte loraik nian iha komemorasaun 28 ne’ebé povu Timor Leste sente tan hodi reflete ba dala 45.
“Ha’u prontu tebes atu hatun bandeira nasionál durante ne’e ha’u tuir trenamentu no PNTL mak fo treinamentu ba ami no ha’u prontu duni atu hatun Bandeira nasionál iha parte loraik nian, ha’u sente orgulhu tanba eskola bele hili ha’u lori Bandeira nasionál iha 28 Novembru tinan ida ne’e,” nia hakotu.
Jornalista : Elidio Castro
Editora : Nelya Barros
