Likisá–(Lafaek News)—Prezidente Repúblika (PR) Francisco Guterres Lú Olo, konvida povu husi rai ulun Tutuala too Oe-kusse hakmatek ho laran hodi fó um minutu de selénsiu ba saudozu no martires sira ne’ebé mate iha funu libertasaun nasional.
Iha imajen ne,e populasaun sira hamriik iha loron manas nia lara hodi partisipa loron proklamasaun independensia ba dala-45 iha munisipiu Likisa. foto LN: Acacio Pinto.
Prezidente Repúblika (PR), Fransisco Guteres luolo Konvida Povu husi Rai Ulun Tutuala to Frenteira mota ain to Oekusi embeno prezidente Konvida atu fo um minutu silénsiu ba Kombantente libertasaun nasionál
“Povu doben Timor Leste husi Tutuala too fronteira Atauru Oe-kusse mai hamutuk ho ha’u ita hakmatek minutu ida hodi fo omenájen ba saudozo no martires mate iha funu laran,” dehan PR Lú Olo hafoin Komemora loron Proklamasaun da Indepéndsia ba dala-45 iha Lauhata Likisá, sábadu (28/11/2020).
Hafoin Prezidente Repúblika (PR), Francisco Guterres Lú Olo, lidera minutu selénsiu ba saudozu no martires remata hatoo obrigadu no dehan um minute de selénsiu remata.
Observasaun Lafaek News iha terrenu nota katak, komunudade ne’ebé partispa iha Komemorasaun proklamasaun independénsia ba dala 45, komisaun organizadora prepara de’it tenda (mahon) ba governante, funsionáriu, sivil no militar sira, maibé povu barak habai an iha loron laran no balun tenke halai sees husi manas ba tuur besik tenda mahon hodi rona diskursu Prezidente Repúblika Francisco Guterres Lú Olo iha ambitu loron istóriku ne’e.
Entretantu, Dalan husi diresaun Dili too Pilila aldea Raukasa suku Lauhata taka provizóriu hahú husi oras tuku 8 dader to tuku 12, hafoin bele loke fila-fali ba transporte públiku asesu ba Likisa vila no Maliana, no Parte seguransa instituisaun rua F-FDTL no PNTL kaer kilat hodi halo vijilánsia másimu iha foho Pisulete area komemorasaun nian hodi garante estabilidade no paz iha ámbitu komemora loron istóriku ne’e.
Reportajen : Acacio Pinto
Editora : Nelya Barros
