Lafaek News—Estudante Judisista husi Universidade Nasionál Timor-Lorosa’e (UNTL) Fakuldade Siensias Sosiais (FCS) Departamentu Dezenvolvimentu Komunitáriu (DCS), Armando da Costa, kompromete remata lisensiatura sei loke kampu servisu no dezenvolve setór agrikultura iha Timor-Leste.
“Planu ne’ebé mak ha’u iha, haree liu ba iha agrikultura sustentavél tanba ami pratika barak liu, ba ita nia nasaun mós konsidera hanesan nasaun agraría, konsidera ba parte agrikultura nomós dadus husi sensus ne’ebé mak iha katak Timor-Leste maioria moris agrikultura ho ida-ne’e presiza dezenvolve ida-ne’e,”dehan judisista Fakuldade Siensia sosiais (FCS) Departamentu Dezenvolvimentu Komunitariu (DCS) Armando da Costa, hafoin partisipa judisium ba dala XXIV/24, iha FCS Kaikoli Tersa (12/01/2021).
Nia kompromete, Siénsia hirak ne’ebé aprende iha universidade, nia sei implementa ba sosiedade liuhusi kapasidade ne’ebé mak ita iha, hanesan área profisionál ne’e presiza transforma ba sosiedade, hodi nune’e fahe informasaun sira pratíka sira ne’ebé mak aprende iha universidade presiza implemeta ba komunidade hodi sai hanesan mata-dalan ba sira hodi bele transforma sira nia ideia kreativu sai inovativu.
Enkuantu judisista iha Fakuldade Siensia Sosiais (FCS) ne’ebé mak ohin tuir serimónia judisium ba dala XXIV/24, kompostu husi departamentu Relasaun Internasional, Dezenvolvimentu komunitariu, Adminitrasaun publíka, polítika públika, komuniksaun sosiál, Ciensia politíka, total Estudante 94.
Jornalista : Rita Moniz
Asisténsia Editór : Egidio Nono
