Lautém-(Lafaek News)—komandante PNTl Munisípiu Lautém Superintendente Polísia António Rego Fernandes, rezeita hodi dehan nia membru atual polísia komunitáriu iha suku Kom postu administrativu Lautem munisípiu Lautém la involve iha konfrontu tinan foun hahú loron dahuluk too datoluk iha suku Kom.
Komandante PNTL Lautém, haktuir ema ne’ebé ko’alia membru PNTL involve no la faktus ne’e la mós tanba membru PNTL hanesan mós OPS iha suku ne’e neutraliza situasaun tanba parte rua ataka malu.
“Konfrontu ne’e akontese iha dia 1 too ema 2 Janeiru 2021 ne’e iha suku Kom tuir identifikasaun bainhira PNTL halo hatudu motiva husi akontesimentu ne’e tan de’it naran apelidu ka naran tutun ne’ebé parte seluk uza fali, tan ne’e mosu dezintendimentu ikus mai hamosu no konfrontu entre parte rua,” dehan komandante PNTL ba Lafaek News kuarta semana ne’e.
Hodi haktuir, iha momentu ne’ebá OPS suku Kom mós iha relasaun familia ho grupu rua ne’e ida, maibé nia mesak forsa la too atu halo atuasaun, nune’e OPS ne’e komunika ba komandu eskuadra Luatem no polísia marítima ne’ebé halo hela misaun iha suku Kom hodi halo atuasaun, maibé dehan membru polísia sira ne’e involve iha konfrontu hodi halo agresaun fíziku ne’e la’os Presiza atu hatudu faktus ba komandu hodi halo prosesu ba membru sira no labele ko’alia arbiru enkuantu laiha faktu.
Tanba idenfikasaun komandu nian la hatudu membru polísia sira involve iha konfrontu ne’e sira servisu hatudu duni sira nia profesionalismu hodi hakalma situasaun iha momentu refere.
Komandante PNTL Lautém husu mós parte sira ne’ebé krítika atu hatudu faktus ruma bainhira nia membru sira involve iha kazu ruma atu nune’e komandu bele foti medida adekuadu tuir regulamentu PNTL nian.
Entertantu tuir observasaun komandante PNTL Lautém ne’e situasaun iha suku Kom postu administrativu Lautém oras ne’e hakmatek no kontroladu.
Jornalista : Elidio Castro
Editora : Nelya Barros
