Lafaek News—Ajénsia kooperasaun Internsionál Japaun (JICA) iha Timor-Leste, segunda (22/92/21), fó treinamentu liu husi online ba funsionáriu husi Aeroportu no Navegasaun Área Timor-Leste (ANATL), E.P Hamutuk ema na’in (12) kona-ba dezenvolvimentu infra-estrutura no manutensaun ba Aeroportu
Xefe reprezentativu JICA iha Timor-Leste, Goto Ko, relata treinamentu ne’e hanesan kontinuasaun apoiu hosi JICA ba estadu Timor-Leste liu husi programa kooperasaun Technical Cooperation entre JICA Timor-Leste no ANATL, EP,
“Tinan ida-ne’e JICA labele haruka partisipante sira hodi ba tuir direta treinamentu refere iha Indonesia tanba pandemia COVID19, ne’e duni ami realiza liuhusi online de’it tanba koopera ho Ministériu transporte Transporte indonesia rasik mak fasilita treinamentu refere,”dehan dehan Xefe Representativu JICA Timor_leste Goto Ko iha Hotel Golgota segunda 22/02/2021
Tuir nia antes ne’e treinamentu ne’e rasik hala’o iha Indonézia liu husi kooperasaun ho ministériu transporte Indonézia nian.
Goto haktuir, intensaun husi treinamentu ne’e atu eleva partisipante sira ninia kapasidade no koñesimentu iha área manutensaun no dezenvolvimentu aeroportu, no funsionariu husi ANATL sira ne’e sei aprende buat barak iha área Aeroportu nian husi peritu sira husi ministériu transporte Indonézia atu nune’e sira bele kontribui hodi dezenvolve área Aeroportu nian iha Timor-Leste.
Iha fatin hanesan, Prezidente Konsellu Administrasaun Aeroportu no Navegasaun Área Timor-Leste ,EP,( ANTL) José Trindade da Cruz Pinto, agrdese ho apoiu ne’e maske ho situasaun difisil, maibé sira hakarak fó apoiu formasaun liu husi online.
Enkuantu programa kooperasaun tékniku ne’ebé ho durasaun tinan 2 implementa ona iha Tinan 2019, total orsamentu ne’ebé aloka ba programa kooperasaun tékniku durante tinan rua ne’e hamutuk UDS$ 140.000.00.
Tuir planu programa treinamentu online ne’e sei realiza tan iha Fulan marsu oin mai no sei foka mós ba área importante 3 seluk mak hanesan; Jestaun Finanseiru, ba aeroporto, Sistema jestaun seguransa no jestaun Aeroportu, ho numero partisipante hosi 12 too 15.
Jornalista : Rita Moniz
Asisténsia Editór : Egidio Nono
