Lafaek News – Magnífiku Reitor Institute Superior Cristal (ISC), Sebastião Pereira informa, durante estadu emerjensia uza de’it maneira tolu liu-liu online whatsapp grup, zoom no google classe room hodi hanorin estudante lisensiatura ho mestradu to’o atinji sira nia estudu.
“Maneira ne’ebé ISC uza hodi hanorin estudante sira, primeiru sorumutu nu’udar enkontru, segundu atividade online liu husi whatsapp grupu, zoom inklui google classe room no ikus liu estudante sira estuda independente atraves de online bazéa ba matéria ne’ebé kurikulum iha, ida ne’e maka durante ne’e ISC implementa,” dehan Reitor ISC sebastião ba jornalista iha eskola ISC Balide Dili, Sexta, (06/11/2020).
Reitor hatutan, estudante sira asesu online hanesan whatsapp grup, zoom no google classe room kuaze 79%, maibé agora prosesu aprendisajen la’o fali hanesan bain-bain.
Nune’e mós reitor hateten, kona-bá mestradu iha kursu rua mestradu jestaun edukasaun no kursu mestradu teknolojia edukasaun ne’ebé hahu prosesu abertura iha 2019, entaun tinan ne’e sira remata ona tantu teoria no pratika, tanbá ne’e sira mós bele tuir graduasaun iha tinan ida ne’e,
“Planu ba graduasaun sei realiza iha dia 21/12/2020 sira ne’e tama hotu ba iha lista graduasaun no ami sei lori lista ne’e ba MESSK atu núne’e sira mós bele gradua iha tinan ida ne’e,” tenik reitor
Reitor informa, atividade sira ne’ebé ISC hala’o tuir padraun kurikulun ne’ebé husi Ministeriu Ensinu Superior Siensia no Kultura (MESSK) rejista nanis ona tanba ne’e ita la’o tuir de’it ida ne’e.
“Ita nia materia lokal durante ne’e la’o ho di’ak maske iha situasaun estadu emerjensia nia laran mai to’o ohin loron ita nia atividade la’o ho di’ak,”. Nia informa.
Alende ne’e mós reitor hateten, estudante sira iha fakuldade saúde halo prátika la liu husi online, tanba online ne’e sira uza de’it iha prosesu apréndijazem matéria teoria nian de’it, entaun saúde importante tebes tanba ne’e estudante sira tenke pratika barak tantu pratika iha lavoratoriu Cristal nian no pratika iha Ospital núne’e mós dosente sira nafatin aumenta pratika ba sira.
“Fakuldade siensia saúde iha ISC prátika mak barak liu duke teoria tanba sira halo estájiu pratika iha Hospital Nasionál Guido Valadares (HNGV), sentru saúde, hospital Referal no hospital rejional sira,”. Reitor ne’e dehan.
Enkuantu nia relata, Estudante ISC fakuldade saúde na’in 14 mak halo hela sira nia estajiu prátika durante fulan tolu iha HNGV husi emerjensia to’o klínika saúde mental.
Jornalista :Orlando Magno
Asistensia Editór : Pedro de Almeida
