Lafaek News – la asesu eletrisidade be mo’os no estrada diak, chefe suku konsidadera sedauk sente Timor Leste nia ukun rasik a’an tanba iha suku Lour Postu-administrativu Zumalai Munisipiu Kovalima seidauk sente dezemvolvimentu iha rai laran liu-liu iha sira nia suku rasik.
“Suku Lour iha aldeia hitu maibé aldeia ritiluli mak asesu ona eletrisidade no aldeia seluk hanesan, aldeia laegatal, Somo kanua, Tilis, Sala asa, poru lolo no mos aldeia Pelet sira ne’e mak seidauk asesu eletrisidade bee mos inklui Estrada,” dehan Xefe suku Lour Martino Julio ba Lafaek News iha nia rezidensia Lour, Kovalima, Tersa 03/11/2020.
Nia Aprezenta, komunidade suku Lour seidauk sente loos ukun aan ne’e ho lolos tanba sira seidauk asesu ba eletrisidade, bee mos no Estrada.
“Durante ita ukun aan atu too ona tinan 20 maibé komunidade suku Lour seidauk asesu ba eletrisidade, bee mos no Estrada, ida ne’e ami sente prekupa tebes tanba ami seidauk sente dezemvolvimentu loloos ne’e mak oinsá,” Martino preokupa.
Xefe suku Lour Martino Julio relata, antes iha nia mandatu membru governu balun haree ona komunidade suku lour nia preokupasaun, entaun membru governu ne’e dehan ba komunidade sira katak, “imi hein deit” maibé too agora seidauk responde ba komunidade suku Lour nia preokupasaun ne’ebe sira infrenta hela.
“Ami halo ona proposta ba parte kompotente no ha’u rasik halo ona pedidu ba governu, to’o agora la iha resposta ida mai ami nia problema ne’ebe ami infrenta ,ami nafatin ezize ba governu atu responde ba ami nia preokupasun ne’e,” Nia Prekupa.
Nune’e mos Xefe suku Lour Martino Julio Barrto Alves rekoñese ba governu katak, Suku lour fatin rezistensia ida tanba ulun ema barak halibur malu iha suku lour.
“Husu ba governu atu tau atensaun ba suku Lour tanba suku ida ne’e mos fatin rezistensia, maibé oinsá mak ami bele sente no menikmati lolos ukun aan nia dezemvolvimentu ne’e mak oinsá?” Nia hakotu.
Jornalista : Orlando Magno
Editor : Acacio Pinto
