Lafaek News – Loron 04/04/2021 tuku 02 ho udan bo’ot konsege mosu inundasaun iha Sidade Dili halo Agostinho do Santos ho nia maun alin,la toba iha tempu kalan tanba uma laran nakonu ho bee sae to’o ai tu’ur .
Agostinho do Santos Hakuak hela nia Pasta Dokumentus escola hodi hamriik de’it iha nia Kost laran iha Suku Kaikoli too udan para, imajen : lafaek News Orlando Magno
Agustinho dos Santo estudante husi Universidade Nasional Timor Lorosa’e (UNTL), ho nia maun alin nain rua hela iha uma kost iha aldeia 01 suku Kaikoli postu administrativu Vera-Crus munisipiu Dili.
Agustinho informa,durante ne’e sira sente diak uituan tanba udan mos la dun makas no la kleur deit para ona maibé horseik udan too ohin madrugada mosu inundasaun halo sira la toba maske ema seluk deskansa ho diak.
“Inundasaun mosu hahu iha tuku rua maibe antes ne’e ami la toba tanba salva ami nia dokumentus no sasan sira seluk ne’ebe ami presiza,” dehan Agostinho ba Lafaek News iha nia rezidensia Kaikoli Dili, domingu 04/04/2021.
Nia afirma, sasan iha uma laran nia konsege salva maibe balun la konsege tanba to’o ona oras tolu bee nafatin sae halo nakonu iha uma laran.
“Hau sente araska liu tanba kada tinan udan boot sempre mosu inundasaun iha ami nia bairo,” nia konta.
Jornalista Lafaek News nia observasaun iha terenu nota katak, komunidade kaikoli aldeia 01 balu lakon nia animal hanesan fahi no sasan barak hetan estragu husi inundasaun.
Jornalista : Orlando Magno
Editor : Acacio Pinto
