Lafaek News – Administradór Munisípiu Lautém Domingos Savio, informa ba Jornalista Lafaek News iha salaun Administrasaun Munisipio Lautem katak Joven nain haat husi Lautem lao ain husi Dili tama to’o Lautem iha Domingo horseik tanba iha Dili Implementa Serka Sanitaria .
“ Sidadaun nain 4 la’o ain husi Dili mai Munisípiu Lautém ne’e autoridade Munisípiu Lautem hatama ona sira iha fatin kuarente polu UNTL Lospalos ” Dehan Administradór Munisípiu Lautém Domingos savior, Segunda (05/04/2021) iha Lautem.
Administradór Munisípiu Lautém Domingos Savio esplika katak hahan atu fasilita ba Sidadaun sira ne’ebe tama karantina mos hahan la iha maibe autoridade Promete sei esforsu hodi fasilita hahan ba lautem oan nain ha’at iha karantina
“ difikuldade ba autoridade sira maka hahán laiha atu fo han sira maibé ekipa esforsu oinsá atu fo hahan ba sidadaun sira ne’e iha karantina ” fundamenta adminitrador Lautem ne’e.
Administradór mos kontinua enkoraja nafatin ekipa taskforce covid19 munisipiu Lautém atu labele taka telefone hodi atende nafatin sidadaun sira ne’ebé husi Dili mai iha Munisípiu Lautém .
Informasaun ne’ebe Lafaek News asesu hosi Autoridade Seguransa ne’ebe halo seguransa iha pontu entrada Lautem no Baucau katak, Joven mane nain haat lao ain husi Dili lao ain to’o iha Municipio Manatutu maka foin sae kaereta ba tun iha Baucau Vila, depois husi Baucau vila sae fali kareta seluk hodi tun iha sesal no hodi kontinua lao ain tama iha pontu entrada Lautem no Baucau, hodi Intrega an ba autoridade segurasa Lautem ne’ebe halo seguransa iha Pontu entrada Lautem no Baucau.
Joven nain ha’at ida husi Postu Administativu Tutuala Suku Tutuala no Nain tolu husi Postu Administrativu Lospalos suku Soru, sai husi Dili oha loron ida fulan abril to’o iha Lautem iha Domingo horseik, Intrega a’an ba autiridade seguransa tanba ne’e akipa saude lori ona ba karantina iha Polu UNTL Natura Postu Adminirativu lospalos Vila.
” sira sai husi Dili mai iha loron 1 fulan Abril , to’o iha Manatutu maka dehan sae,kareta to’o Baucau vila tun sae fali kareta seluk husi Baucau vila mai sesal maka hodi kontinua lao ain tama to pontu estrada mak foin interaga an mai ami, ami husu sira nia rajaun dehan hela kos hahan la iha ona maka sira obriga an tenke sai husi Dili, sira mai mos bokon los, tanba la lori ropa, no ropa ne’ebe iha mak sira hatais ne’e deit ” dehan Fontes Konfirmadu Ne’ebe lakohi fo nia Indentidade ba Lafaek News liu husi Via telefone.
Jornalista : CE.lautem
Editor : Acacio Pinto
