Lafaek News—Inan faluk Tereza Barros husi postu administrativu Kelikai, munisipiu Baukau, buka rasik osan liu husi fan produtu lokál hodi sustenta nesesidade uma laran.
Iha entrevista jornalista lafaek news.tl ho inan faluk idade 70 ne’e haktuir, buka osan ne’e la’os haree ba idade, bainhira sente iis sei forte servisu nafatin atu hadia ekonomia uma laran, osan la monu husi lalehan, maibé pasiénsia mak bele halo mudansa ba moris.
“Inan faluk tereza dehan ha’u senti triste tebes bainhira ha’u fa’an produto loka sira ne’e ema la hola maibé ha’u nafatin fa’an produtu hirak ne’e tanba Nesesidade uma laran mak ubriga ha’u, no ha’u tenki buka rasik osan hodi sustenta ha’u nia moris lor-loron.”dehan Tereza barros ba jornalista iha eis merkadu Komoro Dili, tersa (25/10/2022).
Inan faluk Tereza iha oan nain lima kompostu husi feto tolu no mane rua, sira nain liman ne’e forma hotu ona uma kain no husi oan nain lima la konsege eskola hotu ho razaun kondisaun finanseiru la sufisiente.
Faluk ne’e haktuir produtu lokál ne’ebé fa’an, nia sosa tutan fa’an fali, maske rendimentu loro-loron tun, maibé nesesidade uma laran mak ubriga nia, no nia tenki buka rasik osan hodi sustenta an rasik maske nia ferik ona, nia sente triste tebes bainhira fa’an produtu lokál hirak ne’e ema la sosa husi dadeer too kalan fila ba uma.
“Inan faluk ne’e haktuir tan produtu lokál ne’ebé mak ha’u fa’an mak hanesan, fehuk, liis mutin, liis mean, hudi, tomate, ai-lia,ai-manas, fahi-matak, ai-dila okir no seluk tan, Inan faluk hateten produtu hirak ne’e ha’u sosa tutan mak ha’u fa’an fali ho folin ne’ebé mak la hanesan tomate ha’u sosa tutan ho foli $8.00 dollar ai-manas,ai-lia,lis mutin,lis mean no fahi matan ho folin $5.00 dollar balde ida, maibé ha’u fa’an fali ho folin $5.cen, kada loron ida ha’u hetan $2 dollar ou 3 dollar maibé ha’u nafatin fa’an tanba Nesesidade mak ubriga.nia hakotu
Observasaun lafaek news sita, produtu lokál ne’ebé faluk Tereza faan mak hanesan fehuk mean, aifarina, talas mutin, has ho hudi tasak, tomate, alia no ai-manas tasak.
Estajiada : Adolfina soares
Editór : Agapito de Deus
