Lafaek News—Asosiasaun Information and Communication Technology Timor-(ICT-TL) realiza kongresu nasionál ba daruak hodi konsolida rekursu kona-ba área teknolojia informasaun hodi fasilita setór hotu iha Timor-Leste.
Prezidente asosiasaun ICT-TL, Abel Pires, hatete objetivu ohin kongresu nasionál ICT-TL, hodi konsolida rekursu, maibé dezafiu ne’ebé iha situasaun COVID-19, liu-liu iha fulan marsu liu ba maluk sira husi dook distansiamentu social tan ne’e teknolojia informasaun ne’e bele fasilita.
“Projetu governu nian kona-ba dadus balun husi Timor-Leste ba Austrália rua ne’e ejize duni dezenvolvimentu ne’ebé sei boot tebes hodi fasilita iha setór hotu hanesan, edukasaun, saúde, agrikultura, turizmu entaun ita presiza dois última mai tiha Timor-leste tan ne’e asosiasaun haree ne’e tempu di’ak ba ami atu konsolida para depois ita konvense nai ulun sira,”dehan Abel Pires, hafoin abertura kongresu nasiona ICT-TL iha Salaun kampus IOB, FOmentu II, 5/11
Enkuantu tuir ministru Transorte no Komunikasaun(MTK) José Agustinho da Silva, hatete, ohin asosiasaun ICT-TL ne’ebé maka realize seminariu kongresu nasionál daruak ne’ebé sei akontese iha aban ne’ebé ohin ho seminariu ida-ne’e espera katak sei mosu ideia ruma ne’ebé mak konstrutivu ba dezenvovimentu ICT-TL iha tempu agora no futuru
“Ita hotu nia esperansa katak kongresu aban mós sei rezulta dokumentu importante ruma husi kongresu bele re-eleitu fali ita nia Timoroan sira ne’eb’e mak iha dunni kapasidade iha area ICT nian para lori dezenvolvimentu se’or ICT ba futuru,”dehan MTK
Partisipante husi seminariu ba kongresu loron dahuluk ne’e hamutuk atus lima kompostu husi estudante no funsionariu sira husi area oioin, Enkuantu ohin loron dahuluk ba seminariu no aban sei akontese kongresu hodi hili prezidente ICT-TL foun
Jornalista : Egidio Nono
Editora : Nelya Barros
