SAÚDE · 20 Dec 2023 16:07 ·

Horta Rona Krítika, Vizita Kedan HNGV Hodi Observa Mákina Fase Ran


Horta Rona Krítika, Vizita Kedan HNGV Hodi Observa Mákina Fase Ran Perbesar

Lafaek News—Prezidente Repúblika (PR) José Manuel Ramos-Horta hala’o observasaun direta ba fasilidade mákina fase ran no sistema atendimentu iha Hospitál Nasionál Guido Valadares (HNGV).

Xefe Estadu ne’e afirma, Durante ne’e rona krítika katak mákina fase ran iha HNGV la sufisiente no mákin balun avaria.

“Uluk ha’u rona fase ran mákina la sufisiente no la funsiona be’e moos laiha, tanbá mákina ne’e presiza be’e moos 100% pursentu, mas ohin ha’u hare’e mákina 14 mak funsiona, ema lubuk ida fase rain, ne’e problema bo’ot ida iha Timor-Leste,” tenik Ramos-Horta.

Horta sujere ba governu IX atu tau prioridade ba setór saúde nune’e fasil ba povu ki’ik sira bele hetan tratamentu saúde ne’ebé di’ak no lalais,

“Setór saúde  no edukasaun ne’e importante tebes-tebes ba rai ida ne’e, Ha’u fiar ha’u nia lideransa ho maun bo’ot nia lideransa, setór saúde sei sai di’akliu tan ba oin,” afirma nia.

 Iha sorin seluk ministra Saúde Elia Amaral reforsa tan katak, Tinan 2024 Ministériu Saúde tau prioridade ba asuntu ha’at hanesan instrusaun ba funsionamentu instituisaun, kuidadu património saúde primária no ikus mak kuidadu saúde sekundária no tersiária.

“Primeira ne’e ita hare’e ba jestaun rekursu umanu no sasan sira ne’ebé ita-bo’ot sira preokupa hanesan sala la dun di’ak, ne’e ita aloka ona orsamentu, depois ita hare’e nesesidade urjente nian, kona-bá problema mákina fase ran, ita hatene katak iha 14, ida mak ba pasiente infeksiosa nian. 14 ne’e ba pasiente normál no infeksiosa ne’e hanesan ba pasiente hepatitis sira, ha’u hanoin ida ne’e ita propoin ona ba kompra iha 2024,” hakotu Ministra Saúde.

Observasaun lafaek news nota iha vizita Prezidente  Repúblika ne’e fahe mos parsial natal nian ba pasiente sira iha ne’ebé baixa iha Ospitál Nasional Guido Valadares (HNGV) nudar prezente natal no pasiente sira simu ho antusiasmu ho prezensa Xefe Estadu iha HNGV.

Jornalista : Epifania Imaculada pinto

Editór        : Paulo Collo

161 Views
Artikel ini telah dibaca 32 kali

Baca Lainnya

Kazu HIV/SIDA Sa’e ba 1996 Mate 300 ” Joven Kontrola An”

23 April 2024 - 18:43

UNICEF  Realiza Workshop Nasional Be’e Mo’os Saneamentu No Kuidadu Saúde

23 April 2024 - 09:53

Eventu Car Free Day importante ba Saúde no Ambiente

27 November 2023 - 01:15

MS Komemora Loron Mundiál Saúde Matan  

13 October 2023 - 17:42

Alemaña Apoiu Mákina Sonográfia Ida ba CVTL Halo Servisu Saúde

11 October 2023 - 03:48

MS Asina MoU ho Universidade Tazmania Atu Hakotu Mortalidade Maternal iha TL  

22 September 2023 - 15:27

Trending di SAÚDE