Lafaek News-Prezidente Repúblika José Ramos Horta, hatete Timor Leste tenki hatudu modelu ida respeitu toleránsia ba Komunidade Lesbian Gay Transgender Intersex and Questioning (LGBTIQ) ida ne’e ho membrus ho kakutak matenek, ho domin hodi kontribui ba Timor Leste.
Prezidente Repúblika José Ramos Horta hatoo asuntu ne’e hafoin partisipa selebrasaun loron Month pride hamutuk ho komunidade LGBTIQ iha Jardim Palasíu Presidensiál Bairo-pite Sesta semana ne’e.
Timor Leste tenki hatudu modelu ida ba respeitu, toleransia ba ita nian oan, alin, bin sira ne’ebé mak hola parte iha Komunidade LGBTI Q ida ne’e, ho membrus ho kakutak, matenek, ho domin ba rai ida ne’e mos kontribui”.
Xefe Estadu Horta hatete, Hotu-hotu Timor oan hola parte iha Humanidade, maromak oan, povu nia oan, labele iha diskrikisaun, labele iha violensia oinsa ida-idak hakarak moris.
Ha’u koñese lubuk ida sempre hasoru malu, sempre ko’alia ba ha’u ne’e absolutamente ne’e normal, laos normal kuandu iha Violénsia, laos normal kuandu iha diskriminasaun, laos normal diskrimina relijiaun seluk, laos normal ita ema ne’ebé hakribi buat seluk, rai ida ne’e ha’u sempre ko’alia defende ida-idak nia hanoin, hahalok nia rasik mak hili, ba komunidade sira ne’ebé mak hetan violénsia komunidade LGBTIQ ha’u senti laran triste tebes-tebes hanesan Timor oan, hanesan Presidente Repúblika”, PR Horta deklara.
Tuir PR Horta, Tanba rai ida ne’e terus barak ona iha nia Historia, hanesan Violénsia Domèstika,ita hotu-hotu buka atu kontribui hamate Violénsia domèstika, kontra labarik, kontra feto sira, Violénsia oin-oin, labele iha Violénsia iha sosiadade ida ne’e, labele iha diskriminasaun, ho governu, Parlamentu Nasionál, soseidade sivil, igreja ho parseiru internasional sira haree ida ne’e, , iha estranjeiru lubuk ida iha ne’e, mai husi rai bara-barak, hatudu diversidade mundu nian, Timor iha diversidade oin-oin,respeita ba ida ne’e.
Simu imi iha ne’e fatin ne’e Jardim ne’ebé mak pertense ba ita nia sidade, ba ita nia rai ida ne’e, ba povu ida ne’e bele mai halo atividades iha ne’e, bele anima tan ita nia vida, sosiedade ida ne’e, tenki sai duni modelu ida ne’ebé mak respeitu”, esplika PR Ramos Horta.
Jornalista : Rita Moniz
Editór : Agapito de Deus
