Lafaek News–Ministru Agrikultura no Peskas (MAP), Pedro Dos Reis hatete Reabilitasaun Irigasaun iha Munisípiu Manatuto Postu-Administrativu Laklo hektares 180 da-daun ne’e iha ona fundu infra-estrutur ba futuru tenki halo barajen Kultivasaun udan been.
Irigasaun hahú husi governu anterior to’o ohin loron ita halo reahabilitasaun ba irigasaun lubuk ida hamutuk ho ita nia parseiru dezenvolvementu sira hanesan foin daudauk loron 4 Abríl kuaze Dili laran mota sa’e no at liu tan iha Postu Laklo Munisípiu Manatuto kuaze natar hektares mill 180 hektares to’o ohin loron ita iha ona fudnu infraestrutura ita submete ona ita nia dadus sira ne’e hotu”, dehan Ministru Agrikultura no Peskas ( MAP) Pedro dos Reis ba Jornalista sira hafoin hala’o enkontru ho Prezidente Repúblika José Ramos Horta iha Palásiu Prezidensiál bairo-pite sexta ( 29/07/2022).
Tuir MAP, Planu ba oin iha tenke halo reahabilitasaun no la’ós ida ne’e de’it tanba sistema irigasaun sira ne’e ita depende ba udan been, MAP ko’alia ona ho Xefe Estadu no Primeiru Ministru no ba futuru tenke halo barajen, tanba irigasaun sira ne’e halo depende de’it udan been maibé bainhira udan para irigasaun labele funsióna tanba debit bee la to’o, maibé halo barajen kultivasaun udan been.
Tuir MAP, fiar katak ho demanda perminta an nasionál 131 toneladas pur anu ba iha populasaun iha Timor laran tomak, agora tinan 2022 ita atinji ona 85 fiar katak iha ona barajen fatin balun ita bele kolleta dala rua, bele sai husi situasaun ida ne’e, tanba Timor la’ós konsumu foos de’it.
Irigasaun been feitu ne’e ha’u la lembra maibé iha 2021 ami halo irigasaun 8 ne’ebé mais kompletu tiha ona no balun prosesu to’o ona 60%, no agora ita iha irigasaun boot rua ida iha Galata Munisípiu Manatuto Postu-Administrativu Laklo ho orsamentu 11 milloens kompañia manán na’in iha tiha ona hein asina kontratu, ida iha Laivai Munisípiu Lautem orsamentu montante 7 ka 8 milloens hein atu implementa de’it”.
Iha enkontru nee xefi estadu José Ramos Horta, Mensajen ba ekipa MAP nafatin hala’o servisu teknikamente halo kondisaun di’ak atu la’o ba oin, tanba husi Gabinete Prezidente Repúblika sira halo servisu ne’ebé governu ninian hodi atende no responde ba nesesidade ne’ebé karik propoin mai iha Gabinete Prezidente Repúblika.
Jornalista : Rita Moniz
Editór : Agapito de Deus
