Lafaek News—Prezidente Repúblika, José Ramos-Horta, OJE 2024 aprezenta husi Governu da-sia ne’ebé lidera hosi Primeiru-Ministru Kay Rala Xanana Gusmão ba Parlamentu Nasionaál iha loron 12 fulan ne’e no hetan aprovosaun iha final global iha loron 20 fulan ne’e ho totál orsamentu dólar Amerikanu billiaun 1.95.
“Ohin, loron 22 fulan-Dezembru tinan 2023, Promulga ona Orsamentu Jerál Estadu ba tinan 2024 ne’ebé Xefe Estadu simu proposta ne’e iha loron 21 fulan-Dezembru 2023 tuir Dekretu Parlamentu Nasionál númeru 5/VI-OJE ba 2024,” sita Komunikadu ne’ebé Lafaek News asesu iha loron 22/12/2023.
Horta mos rekomenda ba Parlamentu Nasionál atu halo fiskalizasaun ba Governu ezekuta orsamentu ne’e ba kombate má-nutrisaun no raes badak.
“Promulgasaun iha ona, hein ami publika de’it, ne’ebé antes fim do anu ita-nia Orsamentu Jerál Estadu prontu para publika,
Valór ida-ne’e inklui dotasaun millaun 1,83 ba Administrasaun Sentrál no millaun 60 uza ba RAEOA, husi montante totál despeza ne’ebé prevee ba Administrasaun Sentrál no RAEOA, millaun 468,8 uza ba saláriu no vensimentu, millaun 386,3 ba bens no servisu, millaun 589,7 ba transferénsias públikas, millaun 34,2 ba kapitál menór no millaun 411 ba kapitál dezenvolvimentu.
Entretantu, Orsamentu Seguransa Sosiál, inklui Fundu Rezerva Seguransa Sosiál, iha montante millaun 347,6. Presiza nota katak, OJE tinan 2024 prevee ho valór millaun 788,2 ba asuntu ekonómiku, millaun 467,1 ba protesaun sosiál, millaun 140,9 ba edukasaun, millaun 66,2 ba saúde no millaun 45,2 ba abitasaun no infraestruturas koletivas.
Jornalista Estajiada : Epifania I. Pinto
Editor : Agapito de Deus
