Lafaek News—Centru Nasionál Chega, (CNC, I.P) husu ba Governu no Parlamentu Nasionál atu ratifika lalais konvensaun kona-bá Ema Lakon Forsada, nune’e bele fó biban ba Governu hodi buka tuir timor-oan hirak ne’ebé lakon durante funu.
Asuntu ne’e hatoo husi diretór ezekutvu CNC IP!, Hugo Maria Fernandes ba jornalista sira iha edefisiu CNC Balide loron 22/12/2023, hodi husu orgáun leijslativu ratifika konvensaun ema lakon hodi buka tuir Timor-oan sira ne’ebé lakon iha funu laran.
“Semana tolu liu ba, Komisaun A ba audénsia públika no Komisaun A Parlamentu Nasionál kona-bá orsamentu tinan oin, membru parlamentu, deputadu sira kontinua husu sa inisiativa mak halo ona, atu lori fila ita-nia saudozu Nicolau Lobato nia restus mortais, ema sira ne’ebé mak lakon, ita esforsu barak inklui halo seminar, diskusaun ho Ministériu Negósiu Estranjeiru, Ministériu Justisa atu haree tok, tanba sa mak Timor-Leste seidauk ratifika konvensaun ONU nian kona-bá ema lakon hato’o dala barak ona ba parlamentu lolos eziji ba Governu atu aprezenta konvensaun ba sira atu ratifika,” dehan Diretór Ezekutivu CNC, Hugo Maria Fernandes, iha Balide Díli, (22/12/2033).
Nia dehan, Tanba sá mak parlamentu nasional laiha intrese ida atu dudu ida ne’e, entaun fila-fali ba iha entre Parlamentu Nasionál ho Governu, iha ne’e liu-liu Ministériu Negósiu Estranjeiru, Ministériu Justisa, Diretór CNC koalia ho Provedór Direitus Umanus mós bele dudu prosesu ne’e ka lae, entaun ho ida ne’e, ita kuaze ratifika konvensaun ONU hotu-hotu só unika konvensaun ida kona-ba “Ema Lakon no mós Konvensaun Kona-bá Jenosida” katak Hugo.
Entretantu, iha tinan 2019, CNC ho AJAR lori fila ona Timor-oan 200, entre númeru ne’e, Timor-oan 100 hasoru ona família, no balun labele mai, tanba sira nia família hela hotu iha Indonézia.
Jornalista Estajiada : Epifania I. Pinto
Editór : Agapito de Deus
