Lafaek News—Prezidente Repúblika José Ramos Horta, hatoo pedidu ba Primeiru Ministru Taur Matan Ruak atu bele ko’alia ho primeiru ministru indizitadu hodi fo hanoin malu oinsá dezenvolve nasaun ne’e bao in.
Asuntu ne’e hatoo husi Primeiru Ministru Oitavu governu, Taur Matan Ruak, hafoin reuniaun ba dala ikus nian ho Prezidente Repúblika, José Ramos Horta iha palasiu prezidente Bairo-Pité sesta ne’e.
“Ne’e enkontru semanál ho Prezidente Repúblika José Ramos Horta informa ba Xefe Estadu katak governu ha’u nian Konsellu Ministru ikus, ami preparadu loos atu simu governu foun, no Prezidente Repúblika ohin halo pedidu ida ba ha’u, se bele ko’alia ho Primeiru Ministru indijitadu ne’ebé sei mai”, katak Xefe Governu Taur Matan Ruak iha Palásiu prezidensiál Bairu-Pite sesta, (09/06/2023).
Xefe oitavu governu ne’e hateten, nia parte prontu simu oportunidade saida de’it, ko’alia uitoan, la’ós de’it agora depois tomada de posse iha hanoin ruma, opiniaun ruma bele fó, prontu, disponivel gabinete PM tomak no governu tomak.
iha enkontru ba dala-ikus ne’e Xefe Governu ne’e aproveita mós entrega kopia relatóriu ida ba Xefe Estadu José Ramos-Horta, atu bele hatene kona-ba serbisu ne’ebé mak durante ne’e oitavu governu halo ona.
“Difisil ihalo buat hotu-hotu tinan lima iha surat tahan hotu ona ne’e ka la’e, maibé ideia jerais ne’ebé sente katak tenke ema, relatóriu ne’e ohin ha’u fó kopia ida ba Xefe Estadu, atu mós bele hatene informasaun saida ami tau iha ne’eba”, Taur Matan Ruak sublina.
Taur Matan Ruak mos fo ona instrusaun nia membru governu sira hotu, atu sira sai husi fatin servisu, bainhira simu ona sira nia subtitutu hatudu kultura foun ida labele kaer soe hela de’it, halai tiha husik hela hanesan ne’e.
Xefe Governu Taur deklara, Preparasaun VIII Governu nian atu simu XI governu naturál loos ne’ebé akontese governu ba governu entaun preparadu loos.
Jornalista : Rita Moniz
Editór : Agapito de Deus