Lafaek News—Partidu Congresso Nasionál Reconstrução Timorense (CNRT), no Partidu Demokrátiku ( PD) aseita ona iha loron 22 Parlamentu Nasionál hahú ona sesaun dahuluk lejislatura foun.
“Ohin ita bele temi ona semi formál, seidauk formál ne’ebé ami mai hamutuk ko’alia kona-ba kalendáriu ne’ebé partidu rua dehan ba Xefe Estadu ami aseita iha 22 Parlamentu Nasionál komesa primeira sesaun lejislatura foun”, dehan Prezidente Partidu CNRT Kay Rala Xanana Gusmão bainhira ho ekipa partidu Demokrátiku (PD) enkontru semi formál ho Prezidente Repúblika José Ramos-Horta iha Palasiu Prezidensiál Bairu-Pite sesta (09/06/2023).
Eis Prezidente Repúlblika afirma, iha loron 29 Prezidente Repúblika sei bolu Primeiru Ministru indijitadu, mai aprezenta an hodi entrega surat kona-ba formasaun governu iha loron 29, iha loron 30 fó sai dekretu Prezidensia Repúblika atu fó posse ba governu foun ne’ebé konkorda ona ho kalendáriu.
Entretantu ba Jornalista Xanana hateten, Kona-ba Xanana mak ba Primeiru Ministru entaun husu ba nia.
Jornalista : Rita Moniz
Editór : Agapito de Deus