Lafaek News—Xefe Estadu Maior Jeneral F-FDTL, Tenente Jeneral Falur Rate Laek, afirma Prezidente Repúblika José Ramos-Horta fó instrusaun ba F-FDTL forsa tenke preparadu atu partisipa iha no kamapania eleisaun Parlamentár ho másimu F-FDTL no labele envolve iha atividade polítika.
Falur hatoo asuntu ne’e hafoin enkontru regular ho Prezidente Repúblika José Ramos-Horta iha sesta (14/04/2023) iha palasiu prezidente Bairu-Pité Dili, iha enkontru refere lider forsas armadas ne’e relata mos situasaun situasaun F-FDTL no sei kontribui hodi apoiu seguransa iha festa demokrasia tinan ne’e.
“Prezidente Repúblika José Ramos Horta instrusaun ba F-FDTL mak forsa tenke preparadu atu partisipa ho másimu, labele envolve iha atividade polítika tenke implementa disiplina, militár labele ba manu fali hodi halo problema tun sa’e ba balu fali komunidade no halo arbiru hasoru sidadaun”, katak Xefe Estadu Maiór Jenerál F-FDTL Tenente Jenerál Falur Rate Laek iha Palasiu Prezidensiál Bairu-Pite sesta( 14/04/2023).
Falur hateten, Horseik simu ona diretiva polítika kona-ba apoiu seguransa ba eleisaun parlamentár, tanba ne’e sei komunika ho kada komandu atu haree ida ne’e atu forsa bele partisipa iha seguransa ho forma ida oinsá.
“Kona-ba lójistika ba membru F-FDTL sira ne’ebé sei apoiu seguransa durante kampaña no eleisaun parlamentár parte lójistika sei prepara no iha buat bara-barak hanesan transporte, komunikasaun, aimoruk, no ekipamentu sira seluk ne’ebé tenke preparadu no ida ne’e presija planu ida integradu”, katak Falur Rate Laek ba jornalista.
Entretantu, iha okaziaun ne’e Xefe Estadu ho Xefe Estadu Maiór Jenerál F-FDTL Tenente Jenerál Falur Rate toka mós asuntu kona-ba rekrutamentu espesiál ba membru F-FDTL ne’ebé ho nivél mestradu (S2) hahú ona no despaxu iha tiha ona, no komisaun rekrutamentu forma ona no la kleur tan sei hahú simu kandidatu sira ne’ebé hakarak aplikaiha rekrutamentu espesiál ne’e, sei tau liu prióridade ba kandidatu ne’ebé hasai espesialidade iha kursu jornálistiku hakerek istoriadór no área espesialista ne’ebé Komandu nesesita.
Jornalista : Rita Moniz
Editór : Agapito de Deus
