Lafaek News-Durante tinan rua resin Avó Alberto do Rosário hakdasa de’it iha rai, tanba ho kondisaun difisiénsia ain, maibé ho nutisia ne’ebé mídia online lafaek news públika halo leitores sira ne’ebé mak ho laran osan mean konsege ajuda ona kadeira roda ida ba Avó Alberto.
Relasiona ho publikasaun midía online Lafaek News nia ne’ebé ho titulú “Alberto : Ha’u Presiza Governu nia Tulun Fó Kadeira Roda Ida” iha loron hirak liu ba Avo Alberto sente agradese tebes tanba hetan ona apoiu kadeira roda husi ema laran osan mean ho naran Dulce Maria Ribeiro.
Avo Alberto Hanesan ema difisiénsia fiziku, ne’ebé hakdasa aan de’it durante tinan rua resin ona, tanba la iha kadeira roda ida ba nia atu tur, maibé liu husi nia fiar ne’ebé maka’as iha ikus mai hetan duni ajuda husi ema laran osan mean.
Maske, kondisaun difisiénsia, maibé nafatin halo orasaun iha tempu kalan no loron hodi entrega ninia problema hotu ba maromak, tanba buat hotu maromak nia planu, maibé orasaun ne’ebé halo la saugate, tanba hetan ona ajuda kadeira roda ida.
Avó Alberto agradese ba maromak no obrigadu ba ema laran luak inklui midía online lafaek news tanba husi lafaek news mak ema hatene no bele ajuda ona kadeira roda.
“Hafoin ha’u nia kondisaun sai tiha difisiénsia ha’u sente susar liu, tanba durante tinan rua resin ona mak ha’u la’o la di’ak, bainhira ba mai iha uma laran ne’e, tenke hakdasa de’it, maibé agora di’ak uituan ona, tanba iha ema laran osan mean ajuda ona kadeira roda ida mai ha’u atu uza,” Agradese Avo Alberto ba Lafaek News liu husi Via telefone, foin lalais ne’e.
Iha sorin seluk, Dulce Maria Ribeiro informa katak, iha nia alin feto ida mak hetan informasaun husi mana Zevonia Vieira nia ID facebook, tanba mana Zevonia fahe tutan lafaek news nia públikasaun ne’ebé públika iha mídia online Lafaek news.
Dulce esplika, Hafoin alin feto hetan tiha informasaun kona-ba avó Alberto nia kondisaun alin feto fó hatene kedas ba Dulce atu oferese kadeira roda ba ema ne’ebé presiza tanba kursi roda ne’e sira iha la uza no rai de’it iha uma.
“Foin lalais ha’u hetan moras tumor atu ba halo tratamentu (Operasi) iha Kupan Indonézia mak alin feto sosa Kursi roda mai ha’u uza, maibé dadaun ne’e ha’u nia kondisaun di’ak ona, entaun ita tenke oferese fali Kursi roda ne’e ba ema (avo Alberto) ne’ebé presiza hela,” dehan Dulce.
Nia akresenta, ajudus ida-ne’e hanesan grasa ida tanba durante fulan ida iha kupan ne’eba nia halo operasaun la’o ho di’ak no liu loron rua Dulce mós la’o hanesan baibain.
“Ho hanoin ida katak tuir ami nia fiar ne’e hanesan milagre ida tanba oportunidade ida ne’e ema hotu la bele hetan entaun ho grasa ne’ebé ami hetan ona tenke fahe tutan ba sira ne’ebé presiza, ” nia deklara.
Tanba, realidade haree duni nutisia Lafaek news kona-ba Avo Alberto nia kondisaun ne’ebé presiza duni kadeira roda entaun Dulce ho nia alin ho inisiativa hakarak fahe tutan sira nia grasa ba avo Alberto.
Jornalista : Orlando Magno
Editór : Floriano Soares
