SEGURANSA · 6 Mar 2021 18:48 ·

Asaltu Malu iha Mate Uma Rezulta Nain ida Kanek no Sasan Hetan Estragus 


Asaltu Malu iha Mate Uma Rezulta Nain ida Kanek no Sasan Hetan Estragus  Perbesar

Lafaek News-Ohin, Domingu 07/03/2021 tuku 12:40 madrugada, akontese kazu asaltu malu iha mate uma bairu Ourives, Aldeia Temporal, suku Lahane, postu administrativu Nain-Feto, munisípiu Dili rezulta mane ida kanek no família matebian nia sasan hetan estragus.

Tuir Faviana da Silva Amaral hanesan bei oan husi matebian, informa, akontesimentu ne’e mósu bainhira sira hader hela iha mate uma deskonfia joventude husi grupu bairu bikae no grupu ida deskonfia husi bairutemporal mai hader hotu iha mate uma.

“Sira mai iha ne’e ami fó han no fó hemu ba sira, tanba ami hakarak sira mai ‘menhibur’ de’it ami família sira iha ne’e, maibé to’o ikus sira asaltu malu iha mate uma no estraga hotu ami nia sasan balu hanesan kadeira, meza (Belador) no seluk tan,” dehan Faviana ba lafaek news liu via Whatsapp, Domingu, (07/03/2021).

Nia haktuir, akontesimentu ne’e mósu tanba, antes ne’e Grupu rua iha ona problema antigu nian entaun sira nafatin rai odiu ba malu to’o agora.

Nune’e, nia esplika, alin mane ida husi bairu beikae ho inisial N mai hader iha mate uma entaun deskonfia joventude balun husi bairu temporal haree hetan inisial N hodi baku alin mane ne’e to’o fakar nia ran.

“Alin mane inisial N ne’e halai tiha mak sira foti kadeira hodi baku malu no estraga mós sasan lubuk ida inklui kalen uma nian,” nia deklara.

Hafoin akontesimentu ne’e akontese familia matebian (uma nain) kontaktu kedas ba Parte Polísia Nasionál Timor-Leste (PNTL), nian, maibé to’o ona minutu 30 mós parte PNTL seidauk ba atu hakalma situasaun ne’e.

“Ami la dun satisfas ho PNTL nia servisu, tanba ami familia uma nain ba mate isin ne’ebé hatoba hela iha ami nia uma laran ne’e telefone hela de’it ba parte seguransa liu-liu PNTL, maibé la iha ida mak atu mósu mai,” nia kestiona.

Nia hatutan, sasan lubuk ida mak rahun hanesan, kadeira 4 belador ida, kaneka rahun kuaze 20 resin no kalen uma nia mós maioria aat tanba hetan tuda husi grupu ne’e malu no mós iha akontesimentu rezulta joven ida mak kanek.

Hafoin notisia ne’e públika jornalista lafaek news seidauk entrevista ho Komandante Polisia Nasional Timor-Leste (PNTL) munisipiu Dili tanba Komandante sei okupadu uituan ho asuntu importante balun.

Jornalista : Orlando Magno

Editór         : Floriano Soares

3,443 Views
Artikel ini telah dibaca 45 kali

Baca Lainnya

PR Sujere MD Hametin kooperasaun Ho Nasaun Viziñu

21 December 2023 - 11:11

Orservasaun hosi Fundasaun Mahein kona-bá Eleisaun Lideransa Komunitaria tinan 2023

28 November 2023 - 08:35

PR Husu Autoridade Defeza-Seguransa Garante Estabilidade Rai-Laran

24 November 2023 - 12:40

Observasaun FM ba Realizasaun Programa 120 Dias ba Setor Seguransa IX Governu Konstitusional

23 November 2023 - 15:01

PR Sei Kondekora Timor-oan  2009  Iha Loron Proklamasaun independénsia Ba Bala-48

16 November 2023 - 17:00

Aluc

Koronel Domingos Dúvida Ho Karta Ezonerasaun Husi Primeiru Ministru

4 September 2023 - 14:16

Trending di SEGURANSA