Lafaek News—Embaxada Estadus Unidus Amérika (EUA) ba Timor-Leste, embaixadór Kevin Blackstone, sorumutuk ho Ministru Defesa (MD) Filomeno Paixão, hodi diskute kona-ba Aeroportu Baukau (kampu aviasaun) iha ona sinal posibilidade sei hala’o reabilitasaun iha tempu badak.
Kevin Blackstone hato’o asuntu ne’e hafoin hasoru malu ho Ministru Defesa Filomeno paixão iha kuartel geral Falintil Forsa defesa Timor-Leste (F-FDTL) Fatuhada iha ne’ebé deskute kona-ba planu EUA atu apoiu militar Timor-Leste nian.
“Ami mós halo diskusaun kona-ba Timor-Leste nia pedidu no Estadus Unidus Amérika nia aprovasaun ba reabilitasaun kampu aviasaun Baukau no sei fó mós komponente Aero ida ba Timor-Leste hodi kontrola nia área maritima,” dehan Embaixadór EUA Kevin Blackstone ba jornalista iha fatuhada, sesta, (9/4/2021).
Embaixadór EUA hatutan, dadaun nia parte ho gabinete vice-primeiru Ministru halo hela diskusaun ba liaguajem ne’ebé atu hakerek iha dokumentus hafoin finaliza bele avansa ho planu rehablitasaun kampu aviasaun.
“Ha’u nia embaxada ho gabinete vise primeiru Ministru nian halo hela diskusaun atu finaliza liaguajem ne’ebé sei hakerek iha dokumentus ne’e i depois bele avansa ho planu rehablitasaun kampu aviasaun, ida ne’e bele akontese iha tempu badak nia laran no vice primeiru Ministru fó hatene mai ha’u katak ida ne’e mós prioridade no sei akontese iha tempu badak,” tenik embaxada EUA.
Alende ne’e Ministru Defesa Filomeno Paixão, fundamenta rehablitasaun kampu aviasaun Baukau prontu iha kualker tempu tanba servisu barak ne’ebé foka liu ba área Militár.
“Ba iha Aeroporto Baukau sira prontu iha kualker tempu ita atu hahú solusiona i servisu bar-barak ne’ebé fó liu liu iha area militar,” Dehan MD Filomeno Paixão.
Antes ne’e governu Estadus Unidus Amérika mós promete ona katak sei apoiu orsamentu millaun $10 ba projeitu rehablitasaun kampu aviasaun Baukau no sei oferese aviaun ida ba povu Timor-Leste hodi kontrola nia área maritima no rikusoin Timor-Leste nian.
Kontributór : Javelino Filva
Asisten Editór : Pedro de Almeida
