Lafaek News—Ministériu Turizmu Komérsiu Indústria(MTKI),liu husi Diretór Jerál Kordenadór no sesta bázika, Carlos Ximenes, informa sei esforsu hodi halo intervensaun ba loja ne’ebé hasa’e folin foos iha merkadu hodi hamenus inflasaun iha rai laran.
“Governu sei esforsu imediata, kestaun kona-ba folin foos ne’e iha merkadori normalente kuandu ema presiza barak entaun hotu-hotu tenke hasa’e folin maibé ministériu rasik sei halo esforsu atu bele minimiza inflasaun,” afirma diretór jerál MTKI hafoin partisipa ekontru kona-ba aprezentasaun planu programa KONSANTIL, iha salaun MAP, 23/02/021.
Nia argumenta katak, foos folin sa’e ne’e tanba ema hotu presiza sosa ba nesesidade moria lor-loron, maibé governu liu husi MTCI sei halo esforsu atu oinsá bele hamenus inflasaun liu-liu iha loja sira hotu ne’ebé hasa’e folin foos.
“Foos folin sa’e tanba ohin loron ita hasoru tan programa ida naran sesta bázika governu estabelese ne’e atu halo produtu ba medida kurtu prazu ba populasaun sira iha Timor laran tomak,” nia dehan.
Diretór jerál afirma tan katak, stock foos ne’ebé da-daun iha armajen iha toneladas 30, maibé foos rai mak sei menus, produtu foos importadu husi inísiu husi Tailandia toneladas 30, iha rezerva maibé foos rai iha limitasaun, tanba kompañia barak rai de’it sira nia produtu.
Jornalista : Egidio Nono
Editora : Nelya Barros
