Lafaek News—Xefe Estadu Maior das F-FDTL, Coronel, Calisto Santos Coli “Coliati” informa la dúvida ba F-FDTL no Prontu atu simu uluk vasina ba Covid-19
“Sem Duvida Militár sempre prontu atu simu vasina Covid-19 ne’e,” esplika Xefe Estadu Maior das F-FDTL, Coronel, Calisto Santos Coli “Coliati,” ba jornalista sira iha nia kna’ar fatin Kuartel Jerál, Fatuhada, Tersa (23/02/21)
Nia hatutan, Ministériu Saúde halo advokásia ho F-FDTL atu bele fo hatene ba militár sira atu bele kompriende didi’ak kona-ba programa estadu nian liu-liu kona-ba vasinasaun ba Covid-19, tanba vasina ne’e importante, ba da-daun ema hotu hatene covid-19 sai preukupasaun mundial inklui Timor Leste.
“Vasina Covid-19 ne’e importante atu bele defende an hodi hasoru moras ida ne’ebé ohin loron mundu tomak infrenta iha Timor-Leste,” katak Coliati.
Iha fatin hanesan, Ofisiál Programa Imunizasaun Ministériu da Saúde, Manuel Mausiri, haktuir advokásia hanesan parte ida importante molok atu tama ba iha vasinasaun.
“Atu fo informasaun ba públiku liu husi instituisaun relevante sira, atu ita tama iha Vasina karik labele iha tan duvidas barak kona-ba Vasina Covid-19 ne’e,” Dehan Manuel Mausiri
Nia afirma, F-FDTL mós instituisaun Governu nian, sira mós dala barak servisu iha liña frente, tanba ne’e mak atu fo informasaun ba sira kona-ba vasina ne’ebé mak sei mai no Vasina ba Covid-19 ne’e sei hahú iha loron 7 fulan abril tinan ne’e.
Jornalista : Sandi Belo
Asiténsia Editór : Egidio Nono
