Lafaek news—Polísia Nasionál Timor Leste (PNTL) eskuadra postu administrativu Tutuala, munisípiu Lautém ka’er negosiante Bobonaru-oan hamutuk ema na’in 44 hatama obrigatóriu auto-kuarentena iha Lautem.
Situasaun ne’e halo negosiante Bobonaru-oan na’in 44 ne’e preukupa tanba governu lokal la oferese hahan ba sira durante iha auto kuaretena, perante kuarentena depende maluk sira ne’ebé hela vizinu maka tau matan.
Ami mai fa’an sasán no ami hela iha Dili la’ós mai husi maunisípiu Bobonaru, maibé autoridade iha ne’e kaer ami no halo kuarentena ami tuir de’it, maibé mai la hetan hahán ruma husi governu agora mai han hemu ami defende de’it ba viziñu mak fó tulun ami,” katak Miguel ba lafaek news iha kuarentena postu administrativu Lospalos, segunda (23/02/21).
Miguel afirma, PNTL eskuadra Tutuala kaptura ho razaun deskonfia sidadaun na’in 44 mai husi Bobonaru, maibé negosiante hirak hela iha Dili no hala’o atividade negósiu maka ba Lautém
“Polísia Tutuala kaputara ami kona-ba Covid 19 nian, ami livre la diak, iha loron hirak ne’e karantina iha ne’e loron 3 ona hahú husi dia 20 fulan fevreiru ne’e sira fo tempu dehan loron 14 ami agora atu ha’an osan laiha atu sosa hahan, ami nia sasán fa’an ne’e rai de’it no ema la sosa, durante ami halo kuarentena iha ami nia hela fatin ne’e laiha ajudus ruma husi governu liu-liu haree ami no ha’an loro-loron, ami mesak hasai ami nia osan husi bolsu hodi sosa hahán ba ami ha’an, Sira deskonfia ami dehan mai husi Bobonaru, ami ema Bobonaru duni maibé ami hela iha Dili kleur ona, tanba de’it Maliana Suai lockdown katak venededor husi Bobonaru-oan ne’e.
Relasiona ho preukupasaun ne’e administradór munisípiu Lautém, Domingos Savio, hateten negosiante 44 ne’e auto kuarentena la’ós kuarentena signifika iha uma de’it, tan ne’e bele buka hahán hodi sustenta kabun, tanba covid-19 perigu tebes presiza prevene an.
“Sa’u sei ba hasoru sira hodi haree tok asuntu ne’e, sira tama auto kuarentena ne’e hanesan prevensaun,” dehan Domingos Savio.
Jornalista : CE. Lautém
Editora : Nelya Barros
