SAÚDE · 23 Feb 2021 23:29 ·

Fatumea Marka Istória Dahuluk Ba Transmisaun Lokál Covid-19 Iha TL


Fatumea Marka Istória Dahuluk Ba Transmisaun Lokál Covid-19 Iha TL Perbesar

Lafaek News—Postu administrativu Fatumea, munisipiu Kovalima marka istoria iha ambitu pandemia covid-19, iha Timor Leste, tuir Ministeriu Saúde (MS), hahu rejista  kazu transmisaun lokal ne’ebe pozitivu Covid-19, ema na’in haat (4) iha aldeia Klauhalek suku Belulik Leten.

Koordenadór Forsa Tarefa Prevensaun no Mitigasaun Surtu Covid-19, Rui Maria de Araújo, informa kazu konfirmadu foun na’in 4, sira hotu husi Aldeia Klauhalek, Suku Belulik Leten, Postu  Administrativu Fatumean, Munisípiu Kovalima.

“Kazu hirak ne’e deteta hahú husi amostra rastreiu screening ne’ebé foti iha dia 20 Fevereiru 2021, hafoin, ekipa vijilánsia epidemiolójika buka tuir ninia  kontaku sira to’o ohin loraik hamutuk nain 29 (membru familia nain 13, viziñu sira nain 16), nain 3 ne’ebé pozitivu tan, ida membru familia, nain rua seluk viziñu,” Koordenadór Forsa-Tarefa Prevensaun no Mitigasaun Surtu Covid-19 iha Timor-Leste Ofisiál SS-CIGC), Rui Maria de Araújo, iha konferensia imprensa, CCD, Tersa (23/02/2021).

Koordenadór informa,  kazu sira iha leten hatudu transmisaun lokal husi possivelmente kazu importadu  klandestinamente husi populasaun ne’ebé tama sai fronteira, ho nune’e  Ekipa vijiánsia epidemiolójika ho ekipa laboratóriu, nafatin buka tuir kontaktu sira hodi  halo análiza ba sira nia amóstra.

“Hare’e husi nivel alerta no resposta ne’ebé Governo Timor-Leste adopta ba prevensaun  no mitigasaun Covid-19 iha Timor-Leste, hahú ohin 23 de Fevereiru 2021, Timor-Leste  tama fali faze ne’ebé hanaran alerta 3 ka faze mitigasaun. Serka Sanitária sei matein  nafatin, tuir rezolusaun governu nº4 & nº5, 15 Fevereiru 2021,” dehan nia.

Rui esplika, kazu foun 4 ne’e dadaun Servisu Ambulánsia ba foti atu lori ba izolamentu  iha Vera Cruz. Iha oportunidade ne’e mós partilla  ba públiku rezultadu jeral rastreiu ka screening  ne’ebé halo iha Munisípiu Covalima, Bobonaro ho RAEOA:  Bobonaro total amóstra 1022, 100% negativu, Covalima total amóstra 851: Pozitivu 4, negativu 847 amóstra (99%),  RAEOA total amóstra 252, 100% negativu.

“Rastreiu sei nafatin hala’o to’o dia 25 Fevereiru iha Kovalima no  Bobonaro, hodi bele kobre Postu Administrativu sira ne’ebé seidauk kobre, nune’e  mós ho RAEOA, ne’ebé sei hala’o too dia 27 Fevereiru,” hateten kordenador.

Nune’e mós relata, dadus Covid-19, ba loron 23 fevereiru 2021, Kazu konfirmadu foun 4, Kazu rekupera 0, Kazu ativu 21 mais 4,Total ema iha kuarentena 190.

Koordenadór mós hato’o, maske kazu foun hirak ne’e hatudu katak iha agrupamentu ida ka “cluster” ida, iha aldeia , Klauhalek, Suku Belulik Leten, Fatumean, no hatutu katak iha transmisaun lokal, iha fatin ne’ebá, SS-CIGC hakarak apela ba populasaun tomak, atu kalma, labele pániku, no buka  kumpri nafatin ho disiplina buat hirak hanesan tuir mai: (1) hamri’ik dook husi ema seluk,  minimu metro ida ho balun; (2) kumprimenta malu la presiza bensa-liman, la presiza kaerliman, la presiza hakuak-malu ka rei-malu; (3) Uza máskara; (4) fase-liman bei-beik ho  sabaun, ka uza dezinfetante liman-nian; (5) la presiza sai husi uma, bainhira la nesesariu.

“Wainhira ita hotu halao ho disiplina buat hirak, hanesan temi iha leten, ita hotu sei  kontribui atu ita nia aan-rasik, ita nia familia no viziñu sira iha ita nia bairru ka ita nia  servisu-fatin, no moos Timor-Leste tomak, nafatin dook-husi moras Covid 19,” nia hakotu

Jornalista             : Sandi Belo

Asisten Editór     : Pedro de Almeida

1,639 Views
Artikel ini telah dibaca 11 kali

badge-check

Editor

Baca Lainnya

Sentru Saúde Lore-I Laiha Dotor Atu Atende Pasiente Inan Isin-rua 

6 June 2024 - 15:51

Kazu HIV/SIDA Sa’e ba 1996 Mate 300 ” Joven Kontrola An”

23 April 2024 - 18:43

UNICEF  Realiza Workshop Nasional Be’e Mo’os Saneamentu No Kuidadu Saúde

23 April 2024 - 09:53

Horta Rona Krítika, Vizita Kedan HNGV Hodi Observa Mákina Fase Ran

20 December 2023 - 16:07

Eventu Car Free Day importante ba Saúde no Ambiente

27 November 2023 - 01:15

MS Komemora Loron Mundiál Saúde Matan  

13 October 2023 - 17:42

Trending di SAÚDE