Lafaek News—Ministériu Solidriede Sosiál no Inkluzaun (MSSI) liu husi Diresaun Nasionál Asisténsia Sosiál (DNAS), haktuir kona-ba prosesu pagamentu ba benefisiariu bolsa-da-mãe tarde. tanba ho situasaun klima no infraestrututra baze difikulta banking movel too iha area remotas.
“Dadus atual ba pagamentu bolsa-da-mãe ba tinan 2020 ne’ebé agora iha prosesu pagamentu tuir akordu ne’ebé estabelese tiha ona, parte hotu-hotu kontribui kona-ba prosesu transferénsia ba tinan 2020 nian tarde uituan tanba foin hala’o iha fulan dezembru nia laran, hare’e ba situasauh klima prosesu pagamentu la’o nei-neik iha territóriu laran tomak,” dehan DNAS Lucas Tois, ba lafaek news iha nia knaar fatin MSSI kaikoli, tersa, (16/02/2021).
Diretur informa, prosesu pagamentu ba benefisiariu bolsa-da-mãe tuir akordu kooperasaun entre Ministeriu Soliedaridedade Sosial no Inklusaun (MSSI), Banku Nasionál Komersiu Timor-Leste (BNCTL), Ministériu Administrasaun Estatal (MÃE) no mós Ministeriu Finansas (MF) ne’ebé estabelese tiha ona.
Nune’e pagamentu ba benefisiáriu hahú husi fulan Dezembru to’o ohin loron, munisípiu balun la’o hamutuk ho pagamentu ferik-katuas nian no mós depende ba rekursus, BNCTL nia sukursal iha munisípiu ida-idak, tanba hare’e ba situasaun klima no infraestrutura.
“BNCTL utiliza de’it sistema pagamentu movel banking, maibé ho situasaun klima prosesu la’o neineik tanba uza karreta movel banking to’o sukus tanba hasoru obstakulu iha terrenu, hanesan udan no mota labele hakat, iha obstaklu seluk kona-ba sistema internet, como movel banking hodi halo pagamentu liu husi karreta, dala ruma iha protesta bar-barak husi benefisiariu sira rasik, husi komunidade katak atendimentu la’o ladun di’ak, maibé realidade maka ida ne’e duni,” diretór esplika.
Dala ruma iha suku balu hetan tiha oráriu ba pagamentu katak ohin loron ou bele mudansa, tanba karreta movel banking labele ultrapasa kuandu mota no sistema rede internet difikulta, maibé nia parte koordena ona ho BNCTL katak pagamentu ne’e sei remata iha Marsu.
“Ami koordena ona ho BNCTL katak tuir previzaun kona-ba pagamentu ba bolsa-da-mãe bele remata iha fulan marsu, maibé bele mós liu marsu, depende ba situasaun klima agora dada’uk,” nia informa.
Jornalista : Pedro de Almeida
Editora : Nelya Barros
