Lafaek News—Ekipa Programa Nasionál Dezenvolvimentu Suku (PNDS), munisípiu Baukau postu administrativu Vemasse, la’o ain no hakur mota hafoin hala’o sosialiazasaun ba komunidade kona-ba programa uma ba kbit laek.
“Ohin loron feriadu depois de misa ekipa kontinua nafatin la’o tun ba terenu hodi kontinua prosesu de Verifikasaun ba familia Kbit laek tuir mata dalan ne’ebé iha,” afirma Diretora PNDS, Caludinha Soares Pinto ba Lafaek News, liu husi whatsaap, kuarta (1/02/21).
Diretora PNDS relata katak ekipa iha munisípiu halo sosializasaun ho karreta, maibé suku no aldea barak mak seidauk asesu estrada nune’e difikulta tebes ekipa PNDS hodi halo sosializa ba suku sira iha Timor Leste inklui Oe-kusse.
“Maioria ekipa iha munisípiu hotu ba ho karreta, maibé aldeia barak maka la asesu estrada entaun ekipa tenke la’o ain hakur mota,” dehan diretora PNDS ne’e.
Jornalista : Acacio Pinto
Editora : Nelya Barros
