Lafaek news—Reitór Universidade da Paz, Adolmando Soares Amaral, hatete emprezariu nasionál ne’ebé investe ona ba bee mineral, maibé konsumidór nafatin sira iha loialidade ba bee minerál importasaun, presija iha kreatividade ba nia produtu no estratéjia atu muda konsumidores sira fila konsumu produtu rai laran.
“Ha’u hanoin bee minerál ne’e ita emprezáriu nasionál sira diversifika ona sira nia ekonomia, halo ona re-investimtu ba setór produtivu balun liu-liu kona ba bee minerál,” Reitór UNPA, Adolmando Soares Amaral ba lafaek news iha nia kna’ar fatin Manleuana foin lalais ne’e.
Bee minerál ne’ebé kompañia sira iha rai laran produz ninia kualidade mós la diferente ho bee importasaun, maibé difikuldade boot mak konsimudor sira kontinua prioridade konsumu bee importasaun duke bee ne’ebé produz iha rai laran.
“Ha’u hanoin ida ne’e bele ajuda para ita bele diminui produtu importasaun liuliu ba bee minerál, maibé bainhira konsumedór nafatin komsume bee minerál ne’ebé improta hanesan Aqua ka Aquase no la komsumé bee minerál Gota ka Bemor ka Iramor ne’e difikulta tebes produsaun bee minerál refere,” esplika nia
Governu labele halo buat ida tanba adopta sistema merkadu livre tanba ne’e bainhira Timor adopta sistema merkadu livre signifika produtu hotu-hotu bele mai kompete iha rai laran.
“Agora konsumidór mak tenke ajuda para ita bele diminui bee importasaun ne’e, se ita hotuhotu konsume bee lokál ita nian no fanátiku ba ita nia produsaun rasik signifika sira bele importa maibé se kuandu iha merkadu la folin entaun sira sei la importa tan, ita presija hateneTimor nia mentalidade atu loyal ba protudu bee lokál hanesan Gota, Bemor, Iramor sira iha ona ka lae, se konsumedór sira nafatin loyal ba bee importasaun entaun ita nia kompañia sira bele investe maibé ikus mai laiha retornu ne’ebé di’ak,” argumenta reitor ne’e.
Maibé iha dalan atu bele lori konsentrasaun konsumedór sira ba bee lokál mak hanasan tenke halo sosializasaun ba pordusaun bee rai laran atu komunidade konsumidores sir abele hatene produtu rai laran ho produsaun husi importasaun.
“Kompania mak tenke kreativu Sira tenke halo promosaun liu husi média sira ne’ebé ita iha, para depois bele transforma mentalidade konsumidór sira nian para sira bele sai fanatismu ba produtu rai laran duke ba produtu importasaun, governu bele halo regulamentu uituan hodi hasa’e taxa ba importasaun para depois bele redúz mós sasan importasaun,” nia rekomenda
Jornalista : Feliberto da Costa Fernandes
Editora : Nelya Barros
